गोविन्द केसीसँग अत्तालिएको सरकार पत्र दिएर अनसन रोक्ने प्रयासमा

<p>३ असोज, काठमाडौं ।<br>सम्झौता गर्ने तर कार्यान्वयन नगर्ने गर्दै आएको यसअघिका सरकारले झैं पुष्पकमल दाहाल प्रचण्ड सरकारले पनि धोका दिने देखिएपछि सामाजिक अभियन्ता प्रा. डा. गोविन्द केसीले पुन अनसन थाल्ने तयारी गरेपछि सरकारले रोक्न पत्रनै लेख्ने भएको छ ।<br><br>सरकारले प्रा। डा। गोविन्द केसीलाई लिखित पत्र दिएर प्रतिवद्धता पुरा गर्ने भन्दै आमरण अनसन रोक्ने प्रयास गर्ने भएको छ ।<br><br>शिक्षण अस्पतालका प्रा। डा। केसीले आफ्ना माग सम्बोधनका लागि सरकारलाई असोज २ गतेसम्मको अल्टिमेटम दिएपनि सरकारले माग सम्बोधनको साटो आलटाल गर्दै आएको छ ।<br><br>सरकारले डा.केसीसँग भएको सहमति कार्यान्वयन भइरहेको प्रगतिबारे जानकारी सहित अनसन रोक्न अनुरोध सहित पत्र लेख्न लागेको हो ।<br><br>प्रधानमन्त्री प्रचण्डले भारत भ्रमण अघि नै शिक्षा र स्वास्थ्यमन्त्रीसहितको बैठक राखेर डा. केसीको माग सम्बोधनका लागि चारबुँदे निर्णय गराएका थिए । <br><br>तर निर्णय भएपनि त्यसको ठोस कार्यान्वयन भइसकेको छैन । त्यसअनुसार चिकित्सा शिक्षा ऐन सदनमा पेश भइसकेको छ भने स्वास्थ्य मन्त्रालयले मनमोहन अस्पताल खरिदसम्वन्धी प्रक्रिया थालेको छ ।<br><br>तर, डा. केसीले भने सरकारको निर्णय लिखित रुपमा नआएको भन्दै कसरी विश्वास गर्ने भन्ने प्रश्न गर्दै लिखित पत्र आएमा आन्दोलन रोक्ने संकेत सहित आजै एक हप्ताको समय सरकारलाई दिएका छन् ।<br><br><br></p>