17.12¡ÆC
२१ चैत, काठमाडौं ।
शनिवार बिहान प्रहरीलाई नौलो सूचना आयो,‘ठमेलको एक रेस्टुराँमा गमलामै गाँजा उमारेर ग्राहकलाई बिक्री गरिन्छ।’ अन्नपूर्ण पोस्ट दैनिकमा समाचार छ।
सूचनापछि महानगरीय प्रहरी बृत्त प्रहरी लैनचौरका प्रमुख डीएसपी सोमेन्द्रसिंह राठोर नेतृत्वमा प्रहरी टोली ठमेलस्थित फ्याट क्याट रेस्टुराँमा पुग्दा कर्मचारी गाँजामा पानी हालिरहेका थिए। टेबुलमा १० जना युवा गाँजा जान्न व्यस्त थिए। उनीहरुलाई प्रहरीले नियन्त्रणमा लिएको छ।
अनुसन्धानका लागि रेस्टुराँका म्यानेजर छ्याङ गुरुङ पक्राउ परेका छन्। सञ्चालक मुखिया घले फरार छन्। डीएसपी राठोरले भने,‘रेस्टुराँले गमलामा गाँजा उमारेर दुव्र्यसनीलाई धमाधम बिक्री गर्दै आएको पाइयो। अनुसन्धानका लागि म्यानेजर गुरुङलाई प्रक्राउ गरेका छौं।’
ठमलेबाटै गुडियाभित्र चरेस राखेर कुरियरमार्फत नेदरल्याण्ड्स पठाउन लागेका घटना प्रहरीले पर्दाफास गरेको थियो।
