तीज क्वीनको उपाधि लुतला लिम्बूले जितिन्

<p>१८ भदौ दमक ।<br>बिवाहित महिला बीच भएको तीज क्वीन प्रतियोगिता २०१६को बिजेता झापाको दमक १३ की तुलसा लिम्वूले ताज पहिरेकी छिन् ।</p><p>शंकर आर्ट फाउण्डेशनले हिजो राती दमकमा सम्पन्न गरेको प्रतियोगिताका १७ प्रतियोगीलाई पछि पाद्दै लिम्वूले तीज क्वीनको ताज पहिरेकी हुन् । उहाँलाई प्रतियोगिताका प्रमुख अतिथि सांस्कृतिक संस्थान राष्ट्रिय नाचघरका महाप्रवन्धक राजेश थापाले नगद ५० हजार रुपैयाँ सहित ताज पहिरेर पुरस्कृत गर्नु भएको थियो ।</p><p>तीजको अवसरमा भएको बिवाहित महिलाहरु सहभागी प्रतियोगिताको फस्ट रनअप बिजेता अजिता भण्डारी&nbsp; र सेकेण्ड रनअप निलम श्रेष्ठ दमक पुरस्कृत हुनु भएको थियो । भण्डारीले नगद ३० हजार रुपैया र श्रेष्ठले २० हजार रुपैयाँ र प्रमाण पत्र प्राप्त गर्नु भएको निर्णयक मण्डलका सदस्य तथा रंग पत्रकार भुपेन्द्र तिम्सिनाले बताउनु भयो ।</p><p> प्रमुख अतिथि महाप्रवन्धक थापाले हिजोको दिनमा चेली माइती भेटघाट हुन नपाएको बेदनाको गीत गाउने गरिन्थ्यो भने अहिलेको बद्लिदो तीजलाई प्रयोग गरेर आमाहरु भित्र लुकेको प्रतिभालाई&nbsp; बाहिर ल्याउने प्रगतिशील काम हुन थालेको बताउनु भयो । यसले नेपाली कला संस्कृतिको जर्गेना गर्नुको साथै नारीहरुलाई सशक्तिकरण गदै हरेक क्षेत्रमा प्रतिष्पधी बनाउने वातावारण सिर्जना गरेको थापाले बताउनु भयो । सम्भवत मुलुकमै पहिलो चोटी बिवाहित महिला बीच प्रतियोगिता भएको भन्दै सांस्कृतिक संस्थानले फाउण्डेशनलाई सहयोग गर्ने प्रतिवद्धता उहाँले गर्नु भयो ।</p><p>१८ जना सहभागी महिला बीच प्रतियोगीको एकल प्रस्तुती , सांस्कृति प्रस्तुती , प्रश्न उत्तर गरी उत्कृष्ठ दश जना छनौट गरेको थियो । ती मध्ये उत्कृष्ठ ५ छनौट र त्यसबाट बिजेता छनौट चरण सम्पन्न गरेको फाउण्डेशनका कार्यकारी निर्देशक शंकर बिश्वकर्माले जानकारी दिनु भयो ।<br><br></p>