धनकुटामा बसमा मनपरी बनाएका सिट झिक्न सुरु

१५ भदौ, धनकुटा ।<br><p>धेरै यात्रुलाई बस्ने सिट देखाउन मालबाहक र यात्रु वाहक सवारीहरुले आफूखुशी थपेका सिटहरु ट्राफिक प्रहरी निकाल्न थालेको छ ।<br><br>ग्रामिण क्षेत्रमा सामान बोक्ने महेन्द्र पिकअपमा राखिएका सिट,बस र माईक्रोमा क्षमता भन्दा बढी यात्रु बोक्नको लागि राखिएको सिट तथा मुढाहरु निकालिएको धनकुटाका ट्राफिक प्रहरी प्रमुख सुरेन्द्र खड्काले बताए ।<br><br>गएको साउन १३ गते परेवादिनमा १५ जनाको ज्यान जाने गरी र धनकुटाका बिभिन्न स्थानमा सवारी दुर्घटना भएपछि त्यसलाई न्यूनिकरण गर्न यस्तो काम गरीएको खड्काले जानकारी दिनु भयो ।<br><br>शोमबारबाट शुरु भई धनकुटाको बिभिन्न स्थान जारी रहेको उक्त अभियानमा अहिले सम्म एक दर्जन बढी सवारीहरुको सिट झिकिएको खड्काले जानकारी दिनुभयो ।<br><br>कारवाही संगसंगै यात्रहरुलाई नियमित चेकिङ गरेर सार्वजनिक यातायातमा भैरहेको मनपरि नियन्त्रण गर्ने सचेतना मुलक कार्यक्रम चलाइएको ट्राफिक कार्यालयले जानकारी दिएको छ ।<br><br>ट्राफिक कार्यालयको धनकुटाको तथ्यांक अनुसार आर्थिक बर्ष ०७२/०७३ मा धनकुटामा ७ हजार ८०३ वटा सवारी कार्वाहीमा परी ३८ लाख १६ हजार राजस्व संकलन भएको छ ।<br><br>सवारी दुर्घटनामा परी धनकुटामा ४ बर्ष यता ४२ जनाको मृत्यु भईसकेको जिल्ला ट्राफिक कार्यालयले तथ्यांक छ ।</p>