प्रधानमन्त्री र जापानी परराष्ट्र राज्यमन्त्री नोबुबीच भेट

<p>१५ भदौ, काठमाडौं ।<br>नेपाल भ्रमणमा रहनुभएका जापानका परराष्ट्र राज्यमन्त्री नोबु किसिले प्रधानमन्त्री पुष्पकमल दाहाल ‘प्रचण्ड’सँग भेटवार्ता गर्नुभएको छ ।</p><p>प्रधानमन्त्री कार्यालय शिंहदरवारमा आज भएको भेटमा प्रधानमन्त्री दाहालले लामो समयदेखि जापान नेपालको विकासको प्रमुख सहयोगी रहँदै आएको बताउनुभयो ।</p><p>उहाँले दुई देशको सम्वन्धलाई अझै फराकिलो र थप सुमधुर बनाउन नेपाल सरकार प्रयत्नशील रहको वताउनु भएको प्रधानमन्त्रीको सचिवालयले जानकारी दिएको छ ।</p><p>जापानका राज्यमन्त्री नोबु किसिले संविधान कार्यान्वयन, शान्ति प्रक्रिया, पुर्निनर्माण र सम्वृद्धिका लागि प्रधानमन्त्री दाहालले अघि बढाउनुभएको कार्ययोजनाको प्रशंसा गर्दै नेपालको हितप्रति जापानको साथ र सहयोग रहने वताउनु भयो ।</p><p>भेटका अवसरमा राज्यमन्त्री नोबु किसिले काठमाडौं नौविसे सुरुङ मार्ग निर्माणका लागि&nbsp; जापानको तर्फवाट १८ बिलियन नेपाली रुपैया बराबरको सहयोग गर्ने बताउनुभयो ।<br></p>