इकेबुकुरो पछि मेगुरोमा धुम मच्चाउँदै सुनिता, प्रकाश र बैकुण्ठ

<p>टोकियो ।<br>चर्चित गायिका सुनिता दुलाल, गायक प्रकाश कटुवाल र लोक गायक बैकुण्ठ महतले जापानका नेपाली चेलीहरुलाई आफ्नो पहिलो सांगितिक कार्यक्रममा भरपूर मनोरञ्जन दिलाएका छन् ।<br><br>&nbsp;‘म नेपाली ग्रुप’ जापानले आयोजना गरेको दुई दिवसीय ‘तीज महोत्सव २०१६’ को पहिलो दिन अगष्ट २८ तारिखमा इकेबुकुरो कुमिन सेन्टरमा गायक गायिकाहरुसँगै सयौं नेपाली महिलाहरुले नाचगान गरेर रमाइलो गरेका छन् ।<br><br>आयोजकले हलको क्षमता भन्दा दोब्बर संख्यामा दर्शक आएको भन्दै धेरैलाई फर्काउनु परेको दाबी गरेको छ । खचाखच भरिएको हलमा गायिका सुनिता, गायक द्धय प्रकाश र बैकुण्ठले उपस्थितलाई भरपुर मनोरञ्जन दिलाएका थिए ।<br><br>पहिलो दिनको कार्यक्रम सफल भएपछि हौसिएको आयोजकले ३० तारिख मंगलबार मेगुरो कुमिन सेन्टरमा हुने कार्यक्रम झनै भव्य हुने अपेक्षा गरेको छ ।<br></p><p><img src="https://topnepalnews.comuploads/posts/af59704ff199c0c9a2d1429e163d80971472452953.jpg" style="width: 850px; height: 566.667px;"><br>३० तारिख मेगुरो कुमिन सेन्टरमा ३ बजे हुने कार्यक्रमको सम्पूर्ण तयारी सकिएको बताएको आयोजकले कार्यक्रममा सहभागी हुन चाहने सबैलाई समयमै उपस्थित भइदिन अनुरोध गरेको छ ।<br></p>