बडिमालिका समाज द्धारा ज्ञापन पत्र

<p>पप्पु गुरुङ्, ११ भदौं / दोधारा चाँदनी । बडिमालिकाद्धारा स्थानिय प्रशासनलाई ज्ञापन पत्र बुझाएको छ् । बडिमालिका समाज बिकास नेपाल द्धारा हिजो दोधारा चाँदनी स्थित रहेका स्थानिय प्रशासनलाई ज्ञापन पत्र दिएर ध्यान आकर्षण गरेको छ् । महाकाली नदी स्थित रहेको झोलुङ्गे पुल दिनुदिन जिर्ण भएको भन्दै आज दोधारा चाँदनीको ईलाका प्रहरी कार्यालय, अस्थायी चोकी, सशस्त्र प्रहरी सिमा सुरक्षा बल बोडर आउट पोष्ट लगाएत सरोकारवालालाई समयमै महाकाली झोलुङ्गे पुल मर्मत तथा संभारमा ध्यान दिन आवश्यक पहल गर्न ध्यान आकर्षण गराएको बडिमालिका समाज बिकास नेपाल दोधारा चाँदनीका संयोजक पदम बहादुर सिंहले बताउनुभएको छ् । सुदूरपश्चिमको एक महत्वपूर्ण पर्यटकिय गन्तब्य कञ्चनपुरको दोधारा चाँदनी जोड्ने महाकाली नदीमा बनाइएको झुलुङ्गे पुल मर्मत अभावमा जिर्ण बन्दै गइरहेको छ । करोडौंको लगानीमा निर्माण भएको सो पुलको उचित संरक्षण र सुरक्षा हुन नसकेपछि कमजोर बनेको हो । एसियाको लामो झोलुङे पुल कमजोर हुदै जादा सरोकारवालाले समयमै ध्यान नदिएको ज्ञापन पत्रमा भनिएको छ् । डेढ किलोमिटर लामो उक्त पुलमा मोटरसाइकलमा सवारीले ठुलो मात्रामा समान ढुवानी गर्ने तथा रात्रीको समयमा भैसी लगाएत जनावर ओहरदोहर गराउने गराउदा पुल जिर्ण बन्दै गएको हो । झण्डै डेढ किलोमिटर लामो सो पुलका नटबोल्ट र तारहरु खुस्किसकेका छन् । बडिमालिका समाज बिकास नेपालका सचिव राजेश सुनार अनुसार पुल मर्मतका लागि जिल्ला विकास समितिले आवश्यक ध्यान नदिदा समस्या थप बल्झिदै गएको छ । पर्यटकिय दृष्टिले समेत चर्चित झोलुङे पुल कमजोर वन्दै गए पनि जिल्ला विकास समितिले चाँसो नदेखाएको आरोप छ । प्रहरीहरुको लापरवाहीले उल्टै पुल कमजोर बनाउने अभियानमा लागेको उनीहरुको ठहर छ । प्रहरीहरुले पुलबाट क्षमता भन्दा बढि मालसमान ओहरदोहर गर्न दिईरहेको संयोजक पदम बहादुर सिंहले भनाई रहेको छ् । ज्ञापन पत्र बुझाउदै बडिमालिका समाज बिकास नेपालका सदस्यहरुले तत्कालै कार्यान्वन गर्न स्थानिय प्रशासनलाई माँग समेत गरेको छ् । <br><br><br></p>