17.37¡ÆC
<p>पप्पु गुरुङ्, ११ भदौं / दोधारा चाँदनी । महाकाली नदीमा डुबेर एक बालिका बेपत्ता भएका छन्, भने एकको स–कुशल उद्धार गरिएको छ् । श्री कृष्ण जन्माष्टमीको बर्त सकेर हिजो बिहान करिब ८ बजे महाकाली नदीमा फुलपाती बिश्रजन गर्न महाकाली नदीमा पुगेका कञ्चनपुरको दोधारा चाँदनी नगरपालिका वडा नं. १०, प्रधान टोल निवासी नन्द, भाउजु क्रमश: अन्ताजी १६ बर्षिय सिता थापा, सबिना भनिने वर्ष ११ का पदमा राना मगर फुलपाती महाकाली नदीमा बगाएर नुहाउने क्रममा डुबेको स्थानियहरुले बताएका छन् । नदीमा भाउजु सिता थापा र नन्द सबिना भनिने पदमा राना मगर नुहाउने क्रममा गहिरो पानीमा अचानक पुग्दा उनिहरु डुबेको प्रत्यक्षदर्शी गंगा थापाले बताएका छन् । उनिहरु तिनै जना नदीमा फुलपाती बगाउन गएका थिए । दुबै जना डुबेपछि स्थानिय सुमित्रा चदारोले सिता थापालाई स–कुशल उद्धार गरिएको बताईएको छ् । उद्धारपछि सितालाई प्राथमिक स्वास्थ्य केन्द्रमा लगिएको ईलाका प्रहरी कार्यालय दोधारा चाँदनीले जनाएको छ् । नेपाल प्रहरी, सशस्त्र प्रहरी तथा स्थानियहरुले बेपत्ता सबिना भनिने पदमा राना मगरको खोजी जारी गरिरहेको प्रहरी सहायक निरिक्षक मान बहादुर बोग्टीले जानकारी दिनुभएको छ् । सबिना भनिने पुजा राना दोधारा चाँदनी स्थित रहेको शुदुरपश्चिम एकेडेमी स्कुलका कक्षा ४ का छात्रा हुन् । <br><br><br></p>
