20.12¡ÆC
<p>३ भदौ, मंगोलिया ।<br>एएफसी कपको प्लेअफ छनोट खेलका लागि मंगोलिया आइपुगेको थ्रीस्टार क्लबले बिहीबारदेखि अभ्यास थालेको छ । <br><br>आइतबारदेखि सुरु हुने प्लेअफ खेल्न थ्रीस्टार बुधबार मंगोलिया पुगेको हो । ललितपुरको रैथाने क्लब थ्रीस्टारले यो प्रतियोगिताको प्रारम्भिक छनौटमा आयोजक मंगोलियाको एर्चिम फुटबल क्बल र कम्बोडियाको नागावोर्ल्ड फुटबल क्लबसँग प्रतिस्पर्धा गर्नेछ ।</p><p>एर्चिम थ्रीस्टारका लागि नौलो प्रतिद्वन्द्वी होइन। यी दुई टिमको भेट प्रेसिडेन्ट कप फुटबलमा भइसकेको छ। एर्चिम मंगोलियन राष्ट्रिय लिग च्याम्पियन हो । <br><br>नागावर्ल्ड भने नौलो प्रतिद्वन्द्वी हा े। कम्बोडियको लिग च्याम्पियन क्लब म्याच फिक्सिङमा परेपछि दोस्रो स्थानमा रहेको नागावर्ल्डले मौका पाएको हो । छनौट प्रतियोगितामा थ्रीस्टार क्लब समूह ’बी’मा परेको छ । थ्रीस्टारले ५ भदौमा आयोजक एर्चिमको सामना गर्नेछ ।</p><p>यसैगरी एक दिनको विश्रामपछि ७ भदौमा नागावर्ल्डसँग खेल्ने छ । तीन समूहमा विभाजन गरिएको प्लेअफ छनोट चरणमा नौ टोलीको सहभागिता छ। तीनै समूहबाट समूह विजेता अर्को चरणमा पुग्नेछ । <br><br>भूकम्प र नाकाबन्दीका कारण गत साल राष्ट्रिय लिग भएको थिएन । थ्रीस्टार २०७१ सालको राष्ट्रिय लिगको विजेताको हैसियतमा सहभागी भएको हो ।</p><p>एशियाली फुटबल महासंघ एएफसीले प्रेसिडेन्ट कप हटाएपछि नेपाली क्लबले एएफसी कपमा सहभागी हुने मौका पाएको हो । विगतमा एएफसी प्रेसिडेन्ट्स कपको अन्तिम चरणमा दुई पटक प्रवेश गरिसकेको थ्रीस्टार क्लब नेपालको प्रतिनिधित्व गर्दै एएफसी कप खेल्ने पहिलो टोली हो ।<br></p>
