22.78¡ÆC
काठमाडौँ । फिफा विश्वकप २०२६ अन्तर्गत समूह ‘सी’ को खेलमा पाँच पटकको विश्व विजेता ब्राजिल मोरक्कोसँग १–१ गोलको बराबरीमा रोकिएको छ ।
आइतबार बिहान न्यू जर्सीस्थित मेटलाइफ स्टेडियममा सम्पन्न प्रतिस्पर्धात्मक खेलमा दुवै टोलीले एक–एक अंक बाँडेका हुन् ।
खेलको २१औँ मिनेटमा ब्राहिम डियाजको पासमा आई. साइबारीले गोल गर्दै मोरक्कोलाई अग्रता दिलाएका थिए । सुरुआती चरणमा मोरक्कोले आक्रामक खेल प्रदर्शन गर्दै ब्राजिलमाथि दबाब बनाएको थियो ।
तर ब्राजिलले ३२औँ मिनेटमा खेलमा पुनरागमन गर्यो । स्टार फरवार्ड भिनिसियस जुनियरले ब्रुनो गुइमारेसको उत्कृष्ट पासलाई गोलमा परिणत गर्दै खेल १–१ को बराबरीमा ल्याए ।
पहिलो हाफमै बराबरी भएको खेलको दोस्रो हाफमा दुवै टोलीले विजयी गोलका लागि प्रयास गरे पनि सफल हुन सकेनन् । मोरक्कोको सुदृढ रक्षापंक्तिले ब्राजिलको आक्रमणलाई प्रभावकारी रूपमा नियन्त्रणमा राख्यो भने ब्राजिलले पनि थप गोल गर्न सकेन ।
