21.12¡ÆC
नुवाकोट । तारकेश्वर गाउँपालिकाले सोमबारदेखि सुरु गरेको आर्थिक वर्ष २०८२/०८३ को तेस्रो त्रैमासिक सामाजिक सुरक्षा भत्ता (वृद्धभत्ता) वितरण, निःशुल्क स्वास्थ्य परीक्षण, औषधी तथा परामर्शसहितको ‘गाउँपालिका अध्यक्षसँग ज्येष्ठ नागरिक कार्यक्रम’ शुक्रबार सम्पन्न भएको छ ।
गाउँपालिका अध्यक्ष शिव अधिकारी ‘अविरल’ ले कार्यक्रमलाई चुस्त, प्रभावकारी र जनगुनासो नआउने गरी सञ्चालन गर्न पञ्जीकरण शाखा र स्वास्थ्य शाखालाई निर्देशन दिनुभएको थियो ।
समयमै भत्ता वितरण नहुने तथा ज्येष्ठ नागरिकहरूले झन्झट बेहोर्नुपर्ने समस्याको अन्त्य गर्दै अध्यक्ष अधिकारी निर्वाचित भएलगत्तै हरेक ३/३ महिनामा वडा–वडामा पुगेर निःशुल्क स्वास्थ्य परीक्षण, औषधी वितरण, स्वास्थ्य परामर्शसँगै वृद्धभत्ता वितरण गर्ने अभ्यासस्वरूप यो कार्यक्रम सुरु गरिएको हो ।
महिला, युवा तथा ज्येष्ठ नागरिकलाई लक्षित गरी गाउँपालिकाले सञ्चालन गरेका विभिन्न कार्यक्रममध्ये यो कार्यक्रम लोकप्रिय बन्दै गएको बताइएको छ ।
