नेपाल कप फुटबल: एनआरटीलाई हराँउदै आर्मी फाईनलमा

<p><span style="line-height: 1.42857143;">चितवन,साउन २९ । नेपाली सेनाको त्रिभुवन आर्मी क्लब चितवनमा जारी चौथो नेपाल कप फुटबल प्रतियोगिताको फाईनलमा प्रवेश गरेको छ । आर्मीले काठमाडौको एनआरटी क्लबलाई ४–१ गोल अन्तरले पराजित गर्दैै फाईनलमा स्थान पक्का गरेको हो । स्पोर्टस् फर अल क्लब नेपालको आयोजनामा भएको प्रतियोगिताको पहिलो सेमिफाइनल खेलमा एनआरटीका विरेन्द्र थापाले २४ औं मिनटमा आर्मीका गोल रक्षक विकेश कुथु अगाडी बढेको फाइदा लिंदै बललाई जाली चुमाउंदै टिमलाई अग्रता दिलाए ।&nbsp;</span><br></p><p><span style="line-height: 1.42857143;">तर अग्रतालाई एनआरटीले धेरै बेर टिकाउन सकेन । आर्मीका हिरण्य मगरले फ्रिकिकलाई सिदै गोलमा परिणत गर्दै खेललाई बराबरीमा ल्याए । खेललाई आफ्नो नियन्त्रणमा राखेको आर्मीका टेक बहादुर बुढाथोकीले ४८ औं मिनटमा डिबक्स भित्र पाएको बललाई सदुपयोग गर्दै बललाई जाली चुमाउंदै टोलीलाई २–१ को अग्रता दिलाए ।</span><br></p><p>अधिकांश समय बललाई आफ्नो नियन्त्रणमा राखेको सेनाले दोश्रो हाफको २० औं मिनटमा डि बक्स भित्र पाएको बललाई भरत खवासले गोलमा परिण गर्दै टोलीलाई ३–१ को अग्रता दिलाए । त्यस्तै २२ औं मिनटमा सन्तोष तामाङ्गले गोल गर्दै आर्मीको जित निश्चित गरे ।&nbsp;</p><p><span style="line-height: 1.42857143;">सागका नायक नवयुग श्रेष्ठले दोश्रो हाफको ३८ औं मिनटमा गरेको गोललाई रेफ्रि नविन्द्र महर्जनले अफसाईड दिए । चितवनको क्याम्पाचौरमा भएको प्रतियोगिताको दोश्रो सेमिफाइनल खेल आईतबार सशस्त्र प्रहरी बलको एपिएफ र पुलिस क्लबका विच हुनेछ ।&nbsp;</span><br></p>