20.12¡ÆC
काठमाडौँ । विराटनगर किङ्ग्सले नेपाल प्रिमियर लिग (एनपीएल) इतिहासकै धेरै २ सय २० रन बनाएको छ । यसअघि पनि एनपीएलमा सबैभन्दा धेरै बनाउने टोली विराटनगर थियो । अघिल्लो संस्करणमा विराटनगरले १ सय ९३ रन बनाएको थियो ।
आज पोखरा एभेन्जर्ससँगको खेलमा विराटनगरले २० ओभरमा ६ विकेट गुमाएर २ सय २० रन बनायो । विराटनगरका लोकेश बलमे ७२, मार्टिन गप्टिलले ६१, शुभम् रन्जानेले ३८ रन बनाए । पोखराका माट टेलले २ विकेट लिए ।
यसअघि आजै भएको खेलमा कर्णाली याक्सलाई ४ विकेटले हराउँदै चितवन राइनोजले विजयी शुरुआत गरेको छ ।
एनपीएलमा जनकपुर, काठमाण्डौ, विराटनगर किङ्ग्स, चितवन राइनोज, कर्णाली याक्स, लुम्बिनी लायन्स, पोखरा एभेन्जर्स र सुदूरपश्चिम रोयल्स गरी आठ वटा टोली सहभागी छन् । हिजाेदेखि शुरू भएकाे प्रतियाेगिताकाे फाइनल खेल यही मङ्सिर २७ गते हुनेछ ।
