व्यापारी र उद्योगपतीको खोल ओडेका लागू औषध तस्कर संघाइ लुक्न भारत पुगे

<p>२६ साउन, काठमाडौं ।<br>अवैध लागूऔषध तस्करीको अभियोगमा अनुसन्धानमा परेका चर्चित व्यापारिक घराना संघाई समूहका अध्यक्ष पवनकुमार संघाई भागेर लुक्न भारत पुगेका छन् ।<br><br>प्रहरी अनुसन्धान बढाएपछि शक्तिकेन्द्रको आडामा जोगिन विदेश भागेको प्रहरी स्रोतले बताएको छ ।<br><br>लागूऔषध व्युरो स्रोतका अनुसार संघाइ हाल छिमेकी मुलुक भारतमा लुकेर बसेको आजको राजधानी दैनिकमा समाचार छ ।<br><br>लागू औषध कारोबार गरेको अभियोगमा सो समूहका रतन संघाइलाई पक्रााउ गरेलगत्तैदेखि अध्यक्ष पवनको फोन नेपालमा प्रयोग नभएको कारण उनी विदेश भागेको अनुमान प्रहरीको छ ।<br><br>नेपाल भारतमा रहको व्यपारिक प्रतिष्ठान पनि हेर्न मिल्ने गरी उनी भारततर्फ फरार भएका कारण उनलाई पक्राउ गर्न नसकिएको प्रहरीको भनाइ छ ।<br><br>आगूऔषध तस्करी गरेको अभियोगमा अनुसन्धान अघि बढाइएको प्रहरीले एक साताअघि पवन संघाइ र उनको सबै कम्पनीको बैंक खाता रोक्का गर्न राष्ट्र बैंकलाई पत्राचार गरिसकेको छ ।<br><br>स्करणीय यिनै तस्कर संघाई दुई बर्षअघि सांसद रहेका श्यामसुन्दर गुप्ताको अपहरणमा परेका थिए । जती बेला राम्रो छविका व्यापारी भन्दै उनलाई छुटाउन र बचाउन सबै लागेका थिए ।<br><br><br><br></p>