22.41¡ÆC
काठमाडौ । जेनजीको बिरोध प्रदर्शनका कारण पछिल्लो चार दिनदेखि बन्द रहेको देशभरको सार्वजनिक सवारीसाधन आजदेखि सञ्चालन भएको छ ।
नुवाकोट सहित काठमाडौँ उपत्यकामा आज बिहानैदेखि सार्वजनिक बस, ट्याक्सीलगायत सवारीसाधन सञ्चालनमा आएको हो । जेनजीको प्रदर्शनका कारण गत भदौ २४ गतेदेखि देशभर नै सार्वजनिक सवारीसाधन सञ्चालन रोकिएको थियो ।
अहिले निर्बाध रुपमा सञ्चालन भइरहेको काठमाडौँ उपत्यका ट्राफिक प्रहरी कार्यालयका प्रवक्ता एवं प्रहरी उपरीक्षक दीपक गिरीले जानकारी दिनुभयो । उहाँको अनुसार गाडीहरु सञ्चालनमा आएको र यात्रुहरुको आउजाउ बाक्लो भएको छ ।
यही भदौ २३ गतेको बिरोध प्रदर्शन पश्चात थप चर्किएको आन्दोलनको कारण भदौ २४ गते मंगलबारदेखि काठमाडौ उपत्यका लगायत देशभर नै भएको बिरोध प्रदर्शन एंव निषेधाज्ञा र कर्फ्युको कारण चार दिन सार्वजनिक सेवा दिने गाडीहरु बन्द हुदाँ यात्रुको दैनिक जनजीवन प्रभावित भएको थियो ।
