23.12¡ÆC
नुवाकोट । ‘राष्ट्रिय वृक्षारोपण दिवस’को अवसरमा नुवाकोटको विभिन्न स्थानमा वृक्षारोपण गरिएको छ ।
डिभिजन वन कार्यालय नुवाकोटको आयोजनामा जिल्लाको विदुर नगरपालिकाको विभिन्न चार स्थानमा वृक्षारोपण गरिएको डिभिजनल वन अधिकृत रोशना पोखरेलले जानकारी दिनुभयो ।
उहाँको अनुसार विदुर नगरपालिका–२ स्थित गणतन्त्र पार्क र पञ्चकन्या सामुदायिक वन, विदुर–३ स्थित जोगीडाडाँ सामुदायिक वन, विदुर–८ स्थित पञ्चकन्या धार्मिक वनमा वृक्षारोपण गरिएको छ । सम्बन्धित स्थानमा हावापानी सुहाउदो विरुवाहरु रोपण गरिएको छ ।
वृक्षारोपण कार्यक्रम अन्तरगत विदुर-८ स्थित पञ्चकन्या धार्मिक वनमा आयोजित कार्यक्रममा विदुर नगरपालिकाको नगरप्रमुख राजन श्रेष्ठको प्रमुख आतिथ्यतामा विरुवाहरु रोपिएको छ । उक्त स्थान मन्दिर परिसर क्षेत्र भएकाले रुद्राक्ष, चुवा, चाप, पारिजात लगायतका फूल एंव सौन्दर्य झल्कने विरुवा रोपण गरिएको छ ।
