22.12¡ÆC
नुवाकोट । तारकेश्वर गाउँपालिका अध्यक्ष शिव अधिकारी ‘अविरल’ले हालै दिनुभएको निर्देशनबमोजिम आज गाउँपालिका शिक्षा शाखाका कर्मचारी सहित नगर प्रहरीको टोलीले वडा नं. २ का विभिन्न विद्यालयहरुको निरीक्षण गरेको छ ।
२ नं मा रहेका श्रीकृष्ण मावि, पिमलटार मावि र गणेशमान आविको अनुगमनका क्रममा विद्यालयहरुको व्यवस्थापकीय र शैक्षणिक पक्षमा थुप्रै त्रुटि तथा लापरबाही देखिएको अनुगमन टोलिले जनाएको छ ।
विद्यालयको शैक्षिक वातावरण एंव पठनपाठनको अवस्था सन्तोषजनक नरहेको पाइएकाले तत्काल सुधार गरेर शैक्षिक गुणस्तर सुनिश्चित गर्न अध्यक्ष अधिकारीले निर्देशन दिनुभएको छ ।
कमजोरी देखिएका पक्षमा तत्काल सुधार गर्न दिएको समयमा सुधार गरेर त्यसको जानकारी पालिकामा दिन भनिएको अध्यक्ष अधिकारीले जानकारी दिनुभयो ।
सुधारका लागी निर्देशन दिएका पक्षमा सुधार नभएमा आवश्यक कारबाही प्रक्रिया अघि बढाउने चेतावनी समेत उहाँले दिनुभएको छ ।
अध्यक्ष अधिकारीले मंगलबार दिएको निर्देशनपछि विद्यालयहरुको आजैदेखि अनुगमन थालिएको हो । यसलाई सबै विद्यालयमा पुर्याउन अध्यक्ष अधिकारीले निर्देशन दिइएको छ ।
