21.12¡ÆC
चिम्टेश्वर । नुवाकोटको ऐतिहासिक एवं पुरातात्त्विक स्थान चिम्टेश्वरमा श्रीमद्भागवत धान्याञ्चल विराट ज्ञान यज्ञ-२०८१ शुभारम्भ गरिएको छ ।
आज नेपाल सरकारका संस्कृति पर्यटन तथा नागरिक उड्डयनमन्त्री बद्रि पाण्डेको प्रमुख आतिथ्यतमा श्रीमद्भागवत धान्याञ्चल विराट ज्ञान यज्ञ-२०८१ को समुद्घाटन गरिएको हो ।
कार्यक्रममा बेल्कोटगढि नगरपालिकाका मेयर जगत बहादुर गुरूङ, उप-प्रमुख शिव प्रसाद दाहाल सहित १३ वटा वडाका वडाअध्यक्ष सहित जनप्रतिनिधिहरू लगायत स्थानीयको उपस्थिति रहेको आयोजक मूल समितिका अध्यक्ष एंव वडा नं .२ का अध्यक्ष रामचन्द्र तिमिल्सिनाले जानकारी दिनुभयो ।
पण्डित नारायण न्यौपानेको मुखराबृन्दबाट कथा प्रवचन हुने श्रीमद्भागवत धान्यञ्चल बिराट ज्ञानयज्ञ फागुन ७ गतेदेखि १४ गते शिवरात्रीसम्म चल्ने छ । यस महायज्ञको आयोजना चिम्टेश्वर विकास समिति तथा महायज्ञ आयोजक मूल समारोह समिति रहेको छ ।
तस्बिरहरु :
