सुशासन समितिको बैठकमा अख्तियार प्रमुख अनुपस्थित

<p><span style="line-height: 1.42857143;">काठमाडौं,साउन ११ । &nbsp;संसदको सुशासन समितिले बोलाएको बैठकमा अख्तियार प्रमुख लोकमान सिंह कार्की अनुपस्थित भएका छन् । काठमाडौं विश्वविद्यालयको प्रवेश परीक्षामा अख्तियारले हस्तक्षेप गरेको सम्बन्धमा मंगलबार बोलाईएको बैठकमा आफूलाई घाँटीमा समस्या भएको भन्दै कार्की अनुपस्थित भएका हुन् । अख्तियारका तर्फबाट बैठकमा सचिव शान्तराज सुवेदी, वेगेन्द्रराज शर्मा, कानुनविज्ञ भानुभक्त पोखरेल, &nbsp;प्रवक्ता कृष्णहरि पुष्करलगायत आठ जना कर्मचारी उपस्थित भएका थिए ।&nbsp;</span><br></p><p><span style="line-height: 1.42857143;">कार्कीले समितिलाई पत्र पठाउँदै घाँटीको समस्याको कारण एक सातासम्म बोल्न समस्या हुने र चिकित्सकको सल्लाहअनुसार एण्टीबायोटीक प्रयोग गरिरहेकोले उपस्थित हुन नसकेको बताएका छन् ।&nbsp;</span><br></p><p>बैठकले चिकित्सा क्षेत्रमा अख्तियार जोडिएको विषय र काठमाडौं विश्वविद्यालयमा हस्तक्षेप गरेको विषयमा छानविन गर्न पाँच सदस्यीय उपसमिति गठन गरेको छ।&nbsp;</p><p>&nbsp;<span style="line-height: 1.42857143;">उदय नेपाली श्रेष्ठ, जनकराज जोशी, पदमनारायण चौधरी, नरसिंह चौधरी र मिलन राजवंशी रहेको पाँच सदस्यीय समिति गठन गरेको हो &nbsp;। वरिष्ठ चिकित्सक गोविन्द केसीले अख्तियार कार्कीमाथि चिकित्सा क्षेत्रका विकृतिमा भ्रष्टहरूसँग मिलेर साथ दिने गरेको, आफ्नो र आफन्तको निहित स्वार्थका लागि काम गर्ने गरेकोलगायत आरोप लगाउँदै महाअभियोग माग गरी १६ दिनसम्म अनसन बसेका थिए।&nbsp;</span></p><p>छानविन समितिले दस दिनभित्रमा के भएको हो भनी प्रतिवेदन सुशासन समितिमा पेश गर्नेछ।</p><div><br></div>