16.12¡ÆC
काठमाडौँ । अमेरिकी डलरको भाउ अहिलेसम्मकै उच्च भएको छ । नेपाल राष्ट्र बैंकले आजका लागि एक अमेरिकी डलरको विनिमय दर एक सय ३४ रुपैयाँ ६३ पैसा तोकेको छ । यो बिक्री दर हो । यसअघि हिजो एक अमेरिकी डलरको बिक्री दर एक सय ३४ रुपैयाँ ४६ पैसा रहेको थियो ।
हिजोको तुलनामा आजको बिक्रीदर १७ पैसाले धेरै हो । पछिल्लो हप्ता अमेरिकी डलरको तुलनामा नेपाली रुपैयाँ कमजोर बन्दै गएको छ । विश्व बजारमा डलरको माग बढिरहेकोले भाउ पनि बढेको हो । डलरको भाउ बढेसँगै भारतीय रुपैयाँ हुँदै नेपाली मुद्राको भाउ घटेको हो ।
पछिल्ला केही दिन यता डलरको तुलनामा भारतीय रुपैयाँ पनि अवमूल्यन हुँदै आएको छ । नेपाली रुपैयाँ र भारतीय रुपैयाँबीच स्थिर विनिमय दर छ । भारतीय रुपैयाँको विनिमय दर घटबढ भए नेपाली रुपैयाँमा यसको प्रत्यक्ष प्रभाव पर्छ ।
