26.41¡ÆC
नुवाकोट ।पौडी खेल्ने क्रममा तादी खोलामा डुबेर शनिबार नुवाकोटमा दुई जना युवाको निधन भएको छ ।
बेलकोटगढी नगरपालिका–१० स्थित तादी खोलामा पौडी खेल्ने क्रममा डुबेर बेलकोटगढी–१३ का १९ वर्षीय रोजन तामाङ र ककनी गाँउपालिका–४ का १८ वर्षीय हिमाल तामाङको निधन भएको जिल्ला प्रहरी कार्यालयका प्रहरी नायव उपरीक्षक तिलक भारतीले जानकारी दिनुभयो ।
उहाँको अनुसार खोलामा डुबेर बेहोस भएका उनीहरुलाई उद्धार गरेर उपचारको लागी त्रिशूली अस्पताल पुराए लगत्तै चिकित्सकले मृत्यु भएको जानकारी दिएको हो ।
तादी खोलामा पौडी खेल्ने गएका छ जना युवाहरु मध्ये उनीहरुलाई घुमाउने भन्ने स्थानबाट बगाएको थियो । अपरान्ह १ बजेको समयमा खोलामा पौडी खेल्न गएका उनीहरु २ बजेतिर डुबेको खबर पाएपछि स्थानीयबासीको सहयोगमा प्रहरीले उद्धार गरेर उपचारको लागी अस्पताल पु-याएको थियो ।
पछिल्लो समय गर्मी बढेसगैँ नदी तथा खोलामा पौडी खेल्ने क्रममा सावधानी अपनाउन नुवाकोट प्रहरीले अपिल गरेको छ ।
