29.12¡ÆC
<p>२९ असार, काठमाडौं ।<br>नेपाली कांग्रेस केन्द्रीय कार्यसमितिको बैठक बस्दैछ ।</p><p>माओवादी केन्द्रले केपी ओली नेतृत्वको सरकारलाई दिएको समर्थन फिर्ता लिएपछि कांग्रेस सभापति शेरबहादुर देउवाले आज बिहान केन्द्रीय कार्यसमितिको बैठक बोलाउनु भएको हो ।</p><p>बैठक बिहान ९ बजे सिंहदरबारमा बोलाइएको छ ।</p><p>अहिलेको घटनाक्रको बारेमा छलफल गर्न र माओवादीलाई सरकार गठनको विषयमा समर्थन दिने विषयमा निर्णय लिन बैठक बोलाइएको कांग्रेस नेता डा प्रकाशशरण महतले जानकारी दिनुभयो ।</p><p>सातबुँदे सहमतिसँगै माओवादीलाई मौखिक समर्थन गरेमो कांग्रेसले आजको बैठकपछि लिखित समर्थनको पत्र दिनेछ ।</p><p>दुई दलबीचको सत्ता साझेदारीका लागि ७ बुँदे लिखित समझदारी भइसकेको छ । समझदारीमा माओवादी अध्यक्ष दाहालको नेतृत्वको सरकारलाई नौ महिनाको समय दिने र त्यस अवधीमा स्थानीय निकायको निर्वाचन गर्ने उल्लेख रहेको छ ।</p><p>त्यसपछि कांग्रेस सभापति देउवाको नेतृत्वमा सरकार बनाउने र त्यसले प्रदेश सभा तथा संघीय संसदको चुनाव गराउने भन्ने समझदारी भएको पनि बताइएको छ ।<br><br></p>
