नेपालमा रहेको पसल भारत सार्दै व्यापारी

<p>२५ असार, काठमाडौं । </p><p>सिम्रौनगढमा वर्षौंदेखि किराना पसल चलाएका उमेश गुप्ताले अहिले सीमावर्ती भारतीय बजार घोडासहनमा कपडा पसल खोलेका छन् ।<br><br>‘सबै ग्राहक किनमेल गर्न घोडासहनमै जान थालेका छन्,’उनले भने,’मेरो मात्रै होइन, यहाँका लगभग सबै पसलेको अवस्था बेहाल छ । त्यसैले यहाँका अरु व्यापारी पनि उतै पसल सार्ने तयारीमा छन् ।’<br><br>सिम्रौनगढमै रहेको विवेक एन्ड साहिल बस्त्रालयका सञ्चालक छोटेलाल साहले पनि पसल सार्न घोडासहनमा सटर भाडामा लिइसकेका छन् । ‘यहाँ दिनभर पसलमा झिंगा मारेर बस्नु पर्ने अवस्था छ,’उनले भने,’साउन महिनाभित्र कपडा पसल घोडासहनमा सार्छु ।’ आजको अन्नपूर्णमा समाचार छ ।<br><br>भन्सार राजस्व तिरेर सामान ल्याउने सहज वातावरण नभएका कारण ऐतिहासिक एवं पर्यटकीय स्थल बाराको सिम्रौनगढ बजारका व्यापारी भारत पलायन हुन थालेका छन् ।<br><br>दुई महिनामा सिम्रौनगढ बजारका झन्डै २० वटा पसल सीमावर्ती भारतीय सहर घोडासहनमा सरिसकेका छन् ।&nbsp; दुई महिनाको अवधिमा सिम्रौनगढबाट कपडा, किराना, भाँडाकुँडा र सुनचाँदीका गरी लगभग २० वटा पसल घोडासहनमा सरिसकेको र अझै केही सर्ने तयारीमा रहेको उद्योग वाणिज्य संघ सिम्रौगढका अध्यक्ष जयन्त कुशवाहाले बताए ।<br><br></p>