सुरक्षित रहनुहोला । तापक्रम बृद्धिले जापानमा तीनजनाको मृत्यु

<p>२५ असार, टोकियो ।<br>जापानमा अत्यधिक तापक्रमकै कारण कम्तीमा तीनजनाको मृत्यु भएको छ ।<br><br>जापानको क्योदो समाचार संस्थाका अनुसार विहीबार गर्मीकै कारण कम्तीमा तीनजनाको मृत्यु भएको अस्पतालले पुष्टि गरेको छ ।<br><br>गर्मीकै कारण अन्य ४ सय ९० जनालाई अस्पताल भर्ना गरिएको समेत समाचारमा उल्लेख गरिएको छ ।<br><br>गर्मीका कारण मृत्यु हुनेमा जापान किसानहरु रहेका छन् । यसरी मृत्यु भएकामा इहिमे प्रान्तमा खेतमा काम गरिरहेका ८८ बर्षीय वृद्ध महिला र वाकायामा प्रान्तका ८१ बर्षीय महिला रहेका छन् ।<br><br>दुई बृद्धबृद्धासँगै साईतामा प्रान्तका ३६ बर्षीय पुरुषको पनि अत्याधिक गर्मीका कारण मृत्यु भएको छ ।<br><br>जापानको मौसम विभागका अनुसारजापानको पश्चिम र दक्षिण पश्चिम क्षेत्रमा शुक्रबार सम्म तापक्रम बढी रहनेछ ।<br><br>तापक्रमको बृद्धिले वायुमा न्यून चापका कारणले शुक्रबार देखि शनिबार सम्म भारी बर्षा हुने संभावना रहेको छ ।<br><br>जापानभरका ९२९ तापक्रम मापन केन्द्रबाट संकलन गरिएको तापक्रममा सबैभन्दा बढी तापक्रम पुर्वी जापानको कोशुको यामानासी प्रान्तमा ३८.६ डिग्री मापन गरिएको छ ।<br><br>त्यस्तै कावानिहोचुको सिन्जुका प्रान्तमा ३८.६ डिग्री सेलसियस गरिएको थियो भने टोकियोमा ३७.७ डिग्री सेल्सियस तापक्रम मापन गरिएको छ ।<br></p>