आज दुई ठाउँमा भूकम्प गयो

<p>झन्डै तीन घन्टाको अन्तरालमा आज मुलुकका फरक फरक स्थानमा दुई परकम्प गएका छन् ।</p><p>साँझ ५ बजेर ३८ मिनेट जाँदा सिन्धुपाल्चोक जिल्लाको थाङ्पालधाप र थाङ्पालकोट गाविसका बीच बच्छलादेवी केन्द्रबिन्दु भई ४.४ रिक्टर स्केलको परकम्प गएको राष्ट्रिय भूकम्प मापन केन्द्रले जनाएको छ ।</p><p>गत वर्ष वैशाख १२ गतेको ‘गोरखा भूकम्प’पछि हालसम्म ४ रिक्टर स्केल वा त्यसमाथिका ४६५ परकम्प गएको केन्द्रका प्रमुख लोकविजय अधिकारीले जानकारी दिनुभयो ।</p><p>यसअघि लमजुङको भुलभुले आसपास केन्द्रविन्दु बनाएर आज अपराह्न २ बजेर ४४ मिनेट जाँदा ४.३ रिक्टर स्केलको परकम्प गएको थियो ।</p><p>परकम्प तनहुँको दमौली आसपासका क्षेत्रमा पनि धक्का महसुस गरिएको थियो । <br><br><br></p>