सिन्धुपाल्चोकमा नदी कटानले दुईसय घर उच्च जोखिममा

<p>२३ असार, चौतारा ।<br>
बाढीले जुरे पहिरोको सडक कटानका साथै लेदो माटोले सडक अवरुद्ध पारेपछि बाह्रबिसेदेखि तातोपानीसम्मको यातायात ठप्प भएको छ । </p><p>तातोपानीस्थित मानसरोवर बोर्डिङ स्कुल बगाएको छ भने माथिल्लो भोटेकोसी जलविद्युत आयोजनाको १० किलोस्थित बाँध (ड्याम) ५० प्रतिशत बगाइसकेको सीमा प्रहरी कार्यालयले जानकारी दिएको छ ।</p><p>नदी कटानले बाह्रबिसे–तातोपानी सडकखण्डमा पर्ने अरनिको राजमार्गको कोदारीमा ५० मिटर पक्कीसडक कटान गरिसकेको र कटान गर्ने क्रम क्रमशः बढ्दै गएको छ ।</p><p>तातोपानी गाविसको १० किलोको लार्चादेखि लिपिङसम्म करिब २०० घर नदी कटानले गर्दा उच्च जोखिममा रहेको सीमा प्रहरी कार्यालय लार्चाका प्रहरी निरीक्षक खुमलाल भुसालले बताउनुभयो । </p><p>चीनको सीमा नदी भएर बहने सिन्धुपाल्चोकको भोटेकोसी नदीमा गएराति आएको बाढीले तातोपानी गाविसको २० वटा पक्की घर बगाउनुको साथै २ सय घर उच्च जोखिममा रहेका 
छन् । <br><br><b>बाढीले घर र झोलुङ्गे पुल बगायो<br></b><br>लगातारको वर्षासँगै आएको बाढीले बाग्लुङको देवीस्थानस्थित लेवाङ खोलामा हिजो आएको बाढीले तीन घर र दुई झोलुङ्गे पुल बगाएको छ । <br><br>देवीस्थान –४ मा रहेको लेवाङ–हर्पे जोड्ने र देवीस्थान–७ मा रहेको जुगाखोला–पल्लो बिङ्लीखोला जोड्ने झोलुङ्गे पुल बाढीले बगाएको प्रहरीले जनाएको छ । <br><br>बाढीले भौतिक सम्पत्ति र पशु चौपायाको क्षति भए पनि मानवीय क्षति नभएको बुर्तिवाङ इलाका प्रहरी कार्यालयका प्रमुख शिव क्षेत्रीले बताउनुभयो । घटनास्थल आसपासका थप १० घर पहिरोको जोखिममा रहेको प्रमुख क्षेत्रीले बताउनुभयो । <br><br><b>बाढीपीडितलाई गासवासको व्यवस्था गर्न काँग्रेसको माग</b><br><br>नेपाली काँग्रेसले बाढीबाट विस्थापित र उच्च जोखिममा रहेका बस्तीवासीलाई सुरक्षित स्थानमा स्थानान्तरण एवम् गासवासको व्यवस्था गर्न सरकारसँग माग गरेको छ ।</p><p>
मङ्गलबार राति आएको बाढीले बाह्रबिसे–तातोपानी सडक अवरुद्ध हुनुका साथै १५ घर बगाएको घटनाप्रति दुःख व्यक्त गर्दै पार्टीले उनीहरुलाई उचित क्षतिपूर्ति उपलब्ध गराउन माग गरेको 
हो ।</p><p>सिन्धुपाल्चोकको भोटेकोसी नदीमा आएको बाढीले तातोपानी गाविसका नदी किनारका अधिकांश घर जोखिममा रहेको पार्टीका मुख्यसचिव कृष्णप्रसाद पौडेलले आज जारी गर्नुभएको वक्तव्यमा उल्लेख छ । <br><br></p>