15.51¡ÆC
काठमाडौँ । सुनचाँदीको भाउ बढेको छ । दशैँ बिदाको एक हप्तापछि बजार खुलेको पहिलो दिन आज सुनको भाउ तोलामा ७ सय रुपैयाँ र चाँदीको भाउ तोलामा ४५ रुपैयाँ बढेको हो ।
गएको २५ गते तोलाको ९० हजार ६ सयमा कारोबार भएको सुन आज तोलाको ९१ हजार तीन सय रुपैयाँ निर्धारण गरिएको नेपाल सुनचाँदी व्यवसायी महासंघले जनाएको छ । यस्तै चाँदी आज तोलाको १२ सय २५ रुपैयाँमा कारोबार भैरहेको छ । यसअघि कारोबार भएको अन्तिम दिन गएको २५ गते चाँदी तोलाको ११ सय ८० रुपैयाँ थियो ।
