नेपाल एयरलाइन्स १२ शवसँगै २४ नेपाली बोकेर आइपुग्यो

<p>८ असार, काठमाडौं ।<br>आतंककारीको आत्मघाती बम हमलामा मारिएका १२ नेपाली युवाको शव लिन गएको नेपाल एयरलाइन्सको बिमान थप २४ जना नेपालीलाई पनि लिएर काठमाडौं आइपुगेको छ ।<br><br>नेपाल सरकारको निर्णपछि आज बिहानै त्यस तर्फ उडेको नेपाल वायु सेवा निगमको विमानले सिधा उडान भरेर काबुलबाट काठमाडौं उडान गरेको हो ।<br><br>मृतक नेपालीको शव बुझ्न र तथ्य बुझ्न भन्दै प्रधानमन्त्री केपी शर्मा ओली, परराष्ट्रमन्त्री कमल थापा पनि विमानस्थल पुगेका छन् ।<br><br>परराष्ट्र मन्त्रालयले बिमानमा अफगानिस्तानमा रहेका २४ जना नेपाली पनि लिएर आएको बताएको छ । उनिहरुले अफगानिस्तानमा थप काम नगर्ने बताउँदै सरकारले स्वदेश फर्कन चाहने नेपालीलाई बिमानमा आउन भनेपछि उनिहरु आएका हुन् ।<br><br>काबुल आक्रमणमा घाइते भएका अन्य पाँच नेपालीलाई भने बुधबार उपचारको लागि भारतको नयाँदिल्ली लगिएको छ ।<br></p><p>सोमबार अफगानिस्तानको काबुलमा काममा जाँदै गरेका नेपाली सुरक्षागार्ड बोकेको बस अगाडी एक आत्मघाती बम हमलाकारीले आफुलाई विस्फोट गराउँदा १२ नेपाली सहित २ भारतीयको मृत्यु भएको थियो । विस्फोटमा परि ५ जना नेपाली घाइते भएका थिए ।<br></p>