तादी र दुप्चेश्वरमा नेपाल निजामती कर्मचारी युनियनको भेला सम्पन्न, नयाँ कार्यसमिति विस्तार

त्रिशूली । नुवाकोटको तादी र दुप्चेश्वर गाँउपालिकामा नेपाली काँग्रेसको शुभेच्छुक सँस्था नेपाल निजामती कर्मचारी युनियनको कार्यसमिति पुर्नगठन गरिएको छ । युनियनका नुवाकोट अध्यक्ष निलमकुमार भुषालको प्रमुख आतिथ्यतामा तादी र दुप्चेश्वर गाउँपालिकामा निजामति कर्मचारी युनियन र स्थानीयनिकाय निजामति कर्मचारी युनियनको पुर्नगठन गरिएको हो ।
यही बुधबार सम्पन्न कर्मचारीहरुको भेलाले नेपाल निजामति कर्मचारी युनियन तादी गाँउपालिकास्तरीय नेपाल निजामति कर्मचारी युनियनको अध्यक्षमा बिरोचन खनाल चयन हुनुभएको छ । उपाध्यक्षमा सावित्री खनाल र सचिवमा राजेश श्रेष्ठ चयन हुनुभएको हो । भेलाले सर्वसम्मत रुपमा सात सदस्य चयन गरेको छ ।

 

यस्तै, तादी गाउँपालिकास्तरीय स्थानीयनिकाय निजामति कर्मचारी युनियनको भेलाले संयोजकमा दुर्गाप्रसाद तिवारीलाई चयन गरेको छ । सदस्यहरुमा रामबहादुर श्रेष्ठ, रबिना रिमाल, जनकराज मैनाली र समिर खनाल रहनुभएको छ ।

यसैगरी,बुधबार नै सम्पन्न भएको भेलाले जिल्लाको दुप्चेश्वर गाँउपालिकामा नेपाल निजामती कर्मचारी युनियनको निजामति कर्मचारी युनियन र स्थानीयनिकाय निजामति कर्मचारी युनियनको पुर्नगठन गरिएको हो । युनियनका जिल्ला अध्यक्ष निलमकुमार भुषालको प्रमुख आतिथ्यतामा सम्पन्न भेलाले दुप्चेश्वर गाँउपालिका नेपाल निजामती कर्मचारी युनियनको अध्यक्षमा मच्छिन्द्र केसी चयन हुनुभएको छ । यस्तै, उपाध्यक्षमा निर्मला लामिछाने, सचिवमा सुरेश सिटौला र कोषाध्यक्षमा उमादेवी न्यौपाने चयन हुनुभयो । सर्वसम्मत रुपमा सम्पन्न भेलाले कार्यसमितिको सदस्यमा रामचन्द्र केसी, राकेश सुनारीमगर, मञ्जु श्रेष्ठ, रामकुमार थापा र तारणीदत्त पन्तलाई चयन गरेको छ ।

यस्तै, भेलाले दुप्चेश्वर गाँउपालिका स्थानीयनिकाय निजामति कर्मचारी युनियनको संयोजकमा विष्णु तामाङलाई चयन गरेको छ । समितिको सदस्यहरुमा रामराजा केसी, कृष्ण नापित, कामी तामाङ, श्यामबहादुर बस्नेत, निर्मला साउद र रामचन्द्र केसी रहनुभएको छ ।

नेपाली काँग्रेसको शुभेच्छुक सँस्थाको रुपमा रहेको नेपाल निजामती कर्मचारी युनियन स्थानीयतहमा अहिले भेला मार्फत कार्यसमिति पुर्नगठन तथा अधिवेशनलाई बढाएको छ । जिम्मेवारी तहमा रहेका कर्मचारीको सरुवा, सेवानिवृत्ति हुने हुदाँ कार्यसमितिलाई मजबुद बनाउनको लागी अहिले जिल्लाको सबै पालिकाहरुमा भेला मार्फत निजामति र स्थानीयनिकायको छु्ट्टाछुट्टै कार्यसमिति निर्माण भैरहेको हो ।
नेपाल निजामती कर्मचारी युनियनमा आबद्ध कर्मचारीको सदस्यता नविकरण तथा तथा नयाँ सदस्यता यही भदौ मसान्तभित्र लिइसक्न पनि अनुरोध गरिएको छ ।