नुवाकोटमा पहिरोमा परेर एक जनाको मृत्यु

त्रिशूली । नुवाकोटको बेलकोटगढी नगरपालिका–५ लामाचउरमा पहिरो जाँदा आज बिहान एक जनाको निधन भएको छ । घर माथीबाट खसेको पहिरो पन्छाउने क्रममा ४३ वर्षका विष्णुप्रसाद लामिछानेको पहिरोमा पुरिएर घटनास्थलमा नै मृत्यु भएको नुवाकोट प्रहरी प्रमुख तुलबहादुर कार्कीले जानकारी दिनुभयो । उहाँको अनुसार बिहान २ : ३० बजेको समयमा घरको कर्सामा माथीबाट आएको पहिरो पन्छाउने क्रममा थप खसेको पहिरोमा पुरिएर ज्यान गुमाएका लामिछानेको शव परीक्षणको लागी त्रिशूली अस्पतालमा ल्याउन लागिएको छ । पहिरोले घर समेत जोखिममा परेको छ ।