भूकम्प विशेषमा नेसाज र इन्जिनियर्स एसोसियसनको सिम्पोजियम तयारी

<p>१ असार, टोकियो ।<br>नेपाली बिद्यार्थी समाज जापान 'नेसाज' र नेपाली इन्जिनियर्स ईन जापानले यस बर्षको सिम्पोजियम भूकम्प विशेष गर्ने भएको छ ।<br><br>दुई संस्थाको संयुक्त आयोजनामा यही जुन १८ मा हुने एकदिने सिम्पोजियममा भूकम्प सँग सम्वन्धित रहेर १२ बिबिध अध्ययन प्रतिवेदन प्रस्तुत गरिने भएको छ ।<br><br>गत वर्ष बैशाख १२ गते नेपालमा गएको भूकम्प र त्यसबाट सिक्नुपर्ने पाठ लगायतका विषयमा तयार पारिएको प्रतिवेदन कार्यक्रममा प्रस्तुत हुने भएको आयोजकले जानकारी दिएको छ ।<br><br>नेपाली अनुसन्धानकर्ता तथा बिद्यार्थीहरुका केही भिन्न प्रस्तुति पनि रहने कार्यक्रम टोकियो बिश्वबिद्यालय, इन्स्टिच्युट अफ इन्डस्ट्रियल साइन्सको रिसर्च भवन भित्रको एन ब्लक कोठा नं ४०१ र ४०२ मा हुने भएको छ ।<br><br>शनिबार हुने कार्यक्रममा नेपाली राजदूताबास जापानका कार्यबहाक राजदुत गहेन्द्रराज राजभण्डारी, एनआरएनए जापानका अध्यक्ष सुदन थापा लगायतको उपस्थिति रहने बताइएको छ ।<br><br></p>