यूएईमा फसेका १८ नेपालीलाई स्वदेश फर्काइयो

<p style="text-align: justify; ">काठमाडौ । एक वर्षदेखि यूएईमा समस्यामा परेका १८ जना नेपालीलाई उद्धार गरी नेपाल पठाइएको छ ।<br></p><p style="text-align: justify; ">करार अवधि सकिएर अघिल्लो वर्ष नै घर फर्कनु पर्ने भए पनि लकडाउनका कारण घर फर्कन नपाई समस्यामा परेका १८ जना नेपालीको&nbsp; यूएईमा रहेको नेपाली दूतावासले उद्धार गरी सबै प्रक्रिया पूरा गरेर स्वदेश पठाएको दूतावासकी श्रम काउन्सेलर निर्मला थापाले जानकारी दिनुभयो । भिसा अवधिभन्दा धेरै समय बसे बापतको जरिबाना तिर्न नसक्दा उनीहरू यूएईमै अड्किएको दूतावासले जनाएको छ ।</p><p style="text-align: justify; ">दूतावासले यूएईका विभिन्न निकाय र कम्पनीसँग समन्वय गर्दा यूएई सरकारले धेरैजसो जरिबाना रकम माफ गरिदिएको र केही रकम कम्पनीले तिरिदिएपछि १८ जनालाई नेपाल पठाउन सफल भएको श्रम काउन्सेलर थापाले बताउनुभयो ।</p><p style="text-align: justify; "><img src="https://topnepalnews.comuploads/posts/296569404e6f24e012ad63565b80e6731623852550.jpg" style="width: 768px;"><br></p><p style="text-align: justify; ">‘दूतावासले कम्पनीसँग समन्वय गर्दा पहिले खान बस्न दिएको तर पछि भएपछि आफूले पनि नसकेको भन्यो, तर दूतावासले कम्पनीसँग समन्वय गरी उनीहरूको तत्काल व्यवस्थापन र घर फिर्तीको प्रक्रिया अघि बढाएका हौँ,’ श्रम काउन्सेलर थापाले भन्नुभयो,‘घर फर्कने टिकट र बाँकी तलब पनि कम्पनीबाटै दिलाएका छौँ ।’&nbsp;<br></p><p style="text-align: justify; ">नेपालबाट चाइना हर्ब इन्जिनियरिङ (एलएलसी) कम्पनीमा २४ जना श्रम स्वीकृति लिएर आएका थिए । उनीहरू २४ जनाकै गएको वर्ष नै करार अवधि सकिएकाले घर जाने तयारीमा थिए । तर कोरोना महामारीको पहिलो लहरमा भएको उडान बन्द र लकडाउनको कारण फर्कन पाएनन् । खुलेपछि फर्कन खोज्दा भिसा अवधिभन्दा धेरै बसेको(ओभरस्टे) बापत जरिवाना धेरै भएकाले तिर्न सकेनन् । एक जनाको ८ देखि ९ हजार यूएई दिर्हाम जरिबाना उठेको थियो ।&nbsp;<br></p><p style="text-align: justify; ">त्यसपछि उनीहरूले कम्पनीको रोहबरमा नयाँ कम्पनी इभर राइज कन्स्ट्रसन आबुधाबीमा लगभग एक वर्ष काम गरे । तर भिसा लगाउन समस्या भएपछि उनीहरू फेरि समस्यामा परे । खान बस्नै समस्या हुन थालेपछि दूतावासमा निवेदन दिएको दूतावासले जनाएको छ ।<br></p><p style="text-align: justify; ">उनीहरूको निवेदन परेपछि स्थानीय जनसम्पर्क अधिकृत रजी अहमद र इर्फान आलमले कम्पनीसँग समन्वय गरी समस्यामा परेका उनीहरूको समस्या समाधानका लागि पहल गरेको श्रम काउन्सेलर थापाले बताउनुभयो ।&nbsp;<br></p><p style="text-align: justify; ">२४ जनामध्ये ६ जनाले भने यूएईमै आफूले काम पाएको र जरिबाना पनि आफैँ तिरेर काम गर्ने दूतावासमा बताएका छन् । १८ जना भने दूतावासको समन्वयमा हिजो १५ जुनमा इतिहाद एयरवेजमार्फत दिल्ली हुँदै काठमाण्डौ गएका हुन् ।<br></p><p style="text-align: justify; ">हिजो मङ्गलबार उनीहरू बसेको क्याम्पमा स्थानीय प्रशासनले छापा मार्दा समस्या सृजना भएको थियो । तर नेपाल आउने टिकट काटिसकेका उनीहरुलाई दूतावासको अनुरोधमा विमानस्थलसम्म आउने वातावरण बनाइएको हो ।<br></p><p style="text-align: justify; "><b>यो सामाग्रि युएईमा पत्रकारिता गर्दै आउनुभएका उमाकान्त पाण्डेको सहयोगमा तयार गरिएको हो ।&nbsp;</b></p>