स्वास्थ्य समस्याका कारण जापानी प्रधानमन्त्री आबे शिन्जोद्धारा पदबाट राजिनामा

<p><b>गोकर्ण अधिकारी,</b></p><p>टोकियो, जापान । जापानका प्रधानमन्त्री आबे शिन्जोले स्वास्थ्यमा देखिएको समस्याका कारण पदबाट राजिनामा दिएका छन् ।</p><p>विशेष पत्रकार सम्मेलन आयोजना गरेर शुक्रबार साँझ प्रधानमन्त्री आबेले पदबाट राजिनामा दिएको घोषणा गरेका हुन् ।<br></p><p>लिबरल डेमोक्रेटिक पार्टिबाट प्रधानमन्त्री रहेका आबेले राजिनामा दिनु अघि पार्टी र मन्त्रिपरिषद्को बैठक डाकेर यसबारेमा औपचारिक जानकारी गराएका थिए ।<br></p><p>सन् २००६ मा पहिलो पटक जापानको प्रधानमन्त्री बनेपनी सन् २००७ मा पेटको आन्द्राको समस्याबाट बिरामी भएपछि आबेले पदबाट राजिनामा दिएका थिए । सन् २०१२ मा पुन प्रधानमन्त्रीमा चयन भएपछी लगातार जापानको प्रधानमन्त्री पदमा रहेका आबे जापानकै ईतिहासमा लामो समय प्रधानमन्त्री बन्ने व्यक्ति समेत बनेका छन् ।<br></p><p>करिव एक महिना अघि प्रधानमन्त्री कार्यालयमै रगत बान्ता गरेपछि अस्वस्थ देखिएका आबे दुई साता यता लगातार स्वास्थ्य उपचारमा रहेका थिए । स्वास्थ्य अवस्था झन् बिग्रिएको अनुमानका बिच ६५ वर्षीय आबेले आफ्नो कारणले सरकार सञ्चालनमा समस्या नहोस् भन्ने हेतुले पदबाट राजिनामा घोषणा गरेको बताएका छन् ।&nbsp;</p><p>प्रधानमन्त्री आबेले गत महिनाबाट स्वास्थ्यमा समस्या देखिएको सम्वोधनका क्रममा बताएका छन् । स्वास्थ्य समस्याका बिच पदमा रहिरहँदा देशलाई हानी हुने भएकाले आफुले पदबाट राजिनामाको घोषणा गरेको आबेले सम्वोधनका क्रममा स्पष्ट पारेका छन् ।<br></p><p>सन् २०२१ सम्म कार्यकाल रहेपनी आफ्नो स्वास्थ्यका कारण देशलाई समस्या नपरोस् भनेर आफुले पदबाट राजिनामा घोषणा गरेको पत्रकार सम्मेलनमा आबेले बताए । सम्वोधनका क्रममा आबेले करिव ८ बर्ष लामो आफ्नो प्रधानमन्त्री कार्यकालमा साथ र सहयोग गरेकोमा जापानी नागरिकप्रती धन्यवाद व्यक्त गरेका छन् ।</p><p>आबेले सम्वोधनका क्रममा कोरोना संक्रमणबाट देखिएको पछिल्लो अवस्था, अन्तर्राष्ट्रिय सम्वन्ध, उत्तर कोरियाको बढ्दो मिसाईल क्षमता र चुनौति लगायत विषय समेटेका थिए ।<br></p><p>पत्रकार सम्मेलनका अवसरमा आबेले गरेको संक्षिप्त सम्वोधन :</p><p><b>कोरोना भाइरस संक्रमणको असरका केही महिना यता जापानले यसको असरको सामना गर्दै आएको छ ।</b></p><p><b>यसबाट समग्र क्षेत्रमा असर पारेको छ । धेरै व्यक्तिले ज्यान गुमाएका छन् । म उनिहरुप्रती हार्दिक श्रद्धाञ्जली व्यक्त गर्दछु । यसमा फ्रन्ट लाईनमा रहेर सेवा गर्ने स्वास्थ्यकर्मीहरुलाई धन्यवाद व्यक्त गर्दछु ।</b></p><p><b>पछिल्लो समय ४० बर्ष भन्दा माथि उमेरका व्यक्तिमा संक्रमणको जोखिम बढेको छ । यसमा सचेत रहँदै संक्रमण रोक्ने उपायहरु अपनाउन जरुरी छ ।</b></p><p><b>गत महिनाबाट मेरो स्वास्थ्यमा केही समस्या देखिन थाल्यो । यस महिनाको सुरुवातबाट मेरो स्वास्थ्यमा थप समस्या देखियो ।</b></p><p><b>गत हप्ता पुन मैंले स्वास्थ्य परिक्षण गराएं । चिकित्सकहरुले मेरो स्वास्थ्यमा थप समस्या देखिएको भन्दै आराम गर्न सल्लाह दिएका छन् ।</b></p><p><b>राजनीतिमा मुख्य कुरा नतिजा देखाउनुपर्छ । नतिजा देखाउन सकिएन भने पदमा रहिरहन हुँदैन । ७ बर्ष ८ महिना जापानको प्रधानमन्त्री पदमा रहँदा मैंले नतिजापूर्ण काम गरेको छु ।</b></p><p><b>मेरो स्वास्थ्य अहिले त्यति राम्रो छैन । स्वास्थ्य राम्रो नभएको व्यक्तिले राम्रो निर्णय गर्न सक्दैन । त्यसैले मैंले त्यति राम्रो काम गर्नसक्दिन भन्ने मैंले निर्णय गरें । मैंले प्रधानमन्त्री पद सम्हालिरहनु उचित ठानिन ।</b></p><p><b>कोरोना भाइरस संक्रमण रोक्ने मेजरहरु रोक्ने सहित कयौं काम गत महिना देखी मैंले गरिराखेको छु । तर या अवस्थामा मैंले थप नतिजापूर्ण काम गर्नसक्ने ठानेरै यस्तो निर्णयमा पुगेको हुँ ।</b></p><p><b>हामीबिच धेरै समस्या र चुनौतिहरु छन् । मलाई विश्वास छ अबको नेतृत्वले यि सबै कुरा सहजतापूर्वक पार गराउनेछन् ।</b></p><p><b>मलाई यो पदमा रहँदा जापानी नागरिकबाट धेरै साथ र सहयोग पाएको छु । करिव एक बर्ष बाँकी रहँदै मैंले पदबाट राजिनामा दिनुपरेको छ ।</b></p><p><b>यो बिचमा मलाई जापानी नागरिकबाट पाएको सहयोगको लागि धन्यवाद व्यक्त गर्दछु ।</b></p><p><b>यस पछी आउने नेतृत्व थप सक्षम आउनेछ भन्ने मलाई विश्वास छ । नयाँ आउने टिमले जापानको साम रहेका सबै समस्या हल गर्न सक्षम रहनेछ ।</b></p>