रसुवागढी नाका हुदै २५ थरिका कृषि सामाग्रि चीन पठाउने तयारी

<p align="justify">टिमुरे ।&nbsp; रसुवागढी नाकाबाट निर्यात गर्न सकिने २५ प्रकारका कृषिजन्य सामग्री सिफारिस गरिएको छ । <br><br>नाका सञ्चालनमा आएको पाँच वर्ष बितिसक्दा पनि सामग्री निर्यात हुन नसकेपछि&nbsp; प्रक्रिया अघि बढाइएको हो । रसुवागढी नाकाबाट अहिले वनजन्य सामग्री मात्रै निर्यात हुँदै आएको छ ।<br><br>चीनले आफ्नो देशमा लैजान सकिने नेपालमा उत्पादन हुने कृषि सामग्रीको विवरण मागेपछि प्लान्ट क्वारेन्टिन कार्यालय रसुवाले विवरण तयार पारेर कृषि तथा पशुपंक्षी विकास मन्त्रालयमा पठाएको छ ।<br><br>कार्यालयले यो दोस्रो पटक सिफारिस गरेको हो । यसअघि कार्यालयले ५२ प्रकारका सामग्री निर्यात गर्न सकिने भन्दै विवरण पठाएको थियो । त्यसमा चिनियाँ पक्षले घटाउन आग्रह गरेपछि २५ मा झारिएको हो ।<br><br>कार्यालयले सिफारिस गरेको कृषि सामग्रीहरूमा आँप, अकबरे खुर्सानी, अनार, अलैंची, बन्दा, बेसार, भन्टा, भिन्डी, भुइँकटर, चुकन्दर, धनिया, गाँजर, गोलभेंडा, हरियो मकै, करेला, केरा, खर्बुजा/तर्बुजा, सुकेको खुर्सानी, लप्सी, लिची, मेवा, रुखकटर, स्कुस, सुपारी र टिमुर रहेको छ ।<br><br>दैनिकरूपमा सयौँका संख्यामा मालबाहक गाडीहरू सामग्री लिनका लागि सीमा क्षेत्रमा खाली नै जाने गरेकोले यसको सदुपयोग गर्न सकिने वरिष्ठ बाली संरक्षण अधिकृत तथा कार्यालय प्रमुख कुलदीप घिमिरेले बताउनुभयो ।<br></p>