व्यवसायीले विरोध जनाएपछि प्यान अनिवार्य हटाउने तयारी

<p>काठमाडौ । सरकारले यसै वर्षदेखि लागू गरेको भेइकल एण्ड कन्साइनमेन्ट ट्र्याकिङ सिस्टम (भीसीटीएस) लाई खुकुलो बनाउने भएको छ । भीसीटीएससहित स्थायी लेखा नम्बर ‘प्यान’ र एक हजार रुपैयाँभन्दा माथिको कारोबारमा प्यान बिलको अनिवार्यतासम्वन्धमा लचकता अपनाउन सरकार तयार भएको हो ।<br><br>सरकार र निजी क्षेत्रका प्रतिनिधि सम्मिलित समितिको यसै साता बसेको बैठकमा यी तीन व्यवस्थाको कार्यान्वयन सम्वन्धमा छलफल भएको थियो । </p><p>छलफलका क्रममा निजी क्षेत्रका प्रतिनिधिहरुले यी व्यवस्थामा तत्काल कडाई गर्दा साना व्यवसायीहरु मर्कामा परेको गुनासो गरेका थिए । त्यसपछि वैठकले व्यवहारिक कठिनाई भएका स्थानमा कडाई गर्नेभन्दा सिक्ने-सिकाउने प्रक्रियालाई प्राथमिकता दिने सहमति गरेको छ । </p><p>सहमतिलाई निर्णयका लागि अर्थमन्त्रीसमक्ष सिफारिस गरिएको छ ।<br></p>