नौ वटा क्यासिनो बन्द हुँदै

<p>२८ जेठ, काठमाडौं ।<br>आगामी आर्थिक वर्ष २०७३/७४ को बजेटमा गरिएको नयाँ व्यवस्थाका कारण नेपालको सीमा क्षेत्रमा सञ्चालन भइरहेका नौ वटा मिनी क्यासिनो बन्द हुने भएका छन् ।<br><br>सरकारले गत जेठ १५ गते जारी गरेको आर्थिक विधेयकले आधुनिक मेसिन तथा उपकरणको माध्यमबाट मात्रै सञ्चालन गर्न पाइने प्रावधान राखेका कारण आगामी साउन १ गतेदेखि एकैपटक नौ वटा मिनी क्यासिनो बन्द हुने भएका छन् ।<br><br>यो व्यवस्थाले हाल एउटा इजाजतपत्रले चारवटा मिनी क्यासिनो सञ्चालन गर्दै आएका व्यवसायीलाई अनिवार्य रुपमा संख्या घटाउनुपर्ने दबाब परेको छ ।<br><br>सरकारले आर्थिक विधेयकमार्फत एउटा मिनी क्यासिनोले वार्षिक ७५ लाख रुपैयाँ रोयल्टी तिर्नुपर्ने र एउटै नाम र सञ्चालन गर्न नपाउने व्यवस्था गरेको छ । आजको अन्नपूर्ण पोस्ट दैनिकमा समाचार छ ।<br></p>