किशोरी बन्धक प्रकरण : थप दुई जना प्रहरीको नियन्त्रणमा

<p>नुवाकोट । किशोरी बलत्कारको अभियोगका नुवाकोट प्रहरीले विदुर नगरपालिका–४ बट्टारका बादल श्रेष्ठ र रबिन थापालाई पक्राउ गरेको छ ।</p><p><br>बुधबार साँझ घरबाट नियन्त्रणमा लिएको प्रहरीले बिहीबार उनीहरुलाई नुवाकोट जिल्ला अदालतमा जबरजस्ती करणी गरेको अभियोगमा मुद्धा दर्ता गरी अनुसन्धान सुरु गरेको जिल्ला प्रहरी कार्यालयका प्रमुख बसन्तबहादुर कुंवरले जानकारी दिनुभएको छ । </p><p><br>३२ वर्षीय श्रेष्ठ र २४ वर्षीय थापालाई तीनदिन थुनामा राखेर अनुसन्धान गर्न अदालतले अनुमति दिएको छ । उहाँको अनुसार पक्राउ परेका दुई जनालाई अहिले जबरजस्ती करणी गरेको अभियोगमा मुद्धा दर्ता गरिएको र मानव बेचबिखन तथा ओसारपसार अभियोगमा समेत अनुसन्धान भइरहेको छ ।</p><p><br>उनीहरुले गत साता नुवाकोटका पाँच किशोरीलाई भारतर्फ लैजाने क्रममा बट्टार स्थित एक होटलमा रात राखेर त्याहाँ बलत्कार गरेको प्रारम्भिक अनुसन्धानको क्रममा खुल्न आएको प्रहरी जनाएको छ । <br>यही कात्तिक २१ गते बुधबार देउसी खेल्न हिडेका १३ देखि १६ वर्ष उमेर समूहका ती किशोरीलाई प्रहरीले गत शुक्रबार सुर्खेतबाट बन्धक बनाएको अबस्थामा उद्धार गरेको थियो । </p><p><br>किशोरीहरुलाई फकाएर भारततर्फ लैजान लागेको अभियोगमा नुवाकोट प्रहरीले उनीहरु बन्धक बनेको घरधनी सुर्खेत भेरीगंगा नगरपालिका–१२ का निर्मल विश्वकर्मा र नुवाकोट लिखु गाँउपालिका वडा नं. ४ चौघडाका विकास प्याकुरेललाई गएको आइतबार नुवाकोट जिल्ला अदालतमा मानब बेचबिखन तथा ओसारपसार अभियोगमा मुद्धा दर्ता गरी अनुसन्धान गर्दै आइरहेको छ ।</p><p> घटनामा संलग्न अन्यको खोजी भइरहेको प्रहरीले जनाएको छ ।<br><br><br></p>