त्रिशूली–काठमाडौँ प्रशारण लाइन : तार विस्तारको काम जारी

<p>८ कार्तिक, नुवाकोट । निर्माणाधीन त्रिशूली–काठमाडौँ २२० केभी ‘डबल’ सर्किट प्रसारण लाइनमा विद्युतीय तार विस्तारको काम अघि बढाएको छ । त्यसको लागी नुवाकोटको सूर्यमतीदेखि थानसिंहसम्म पर्ने १७ वटा खम्बामा बुधबार देखि काम अघि बढाएको माथिल्लो त्रिशूली थ्री ‘ए’ जलविद्युत आयोजनाका सहायक निर्देशक नारायण आचार्यले जानकारी दिनुभएको छ ।</p><p><br>उहाँको अनुसार पहिलो चरणमा यही बुधबारदेखि विद्युतीय तार विस्तारको काम सूर्यमतीबाट चतुरालेहुदै थानसिंहसम्मको खम्बा नं. २४ दशमलव १ देखि ३० नं. सम्म तार विस्तारको अघि बढाइएको छ । चिनियाँ प्राविधिकहरु ल्याएर ठेकेदार कम्पनी चाइना इन्टरनेशनल वाटर एण्ड इलेक्ट्रिक कर्पोरेशन (सिडब्लुई)ले कार्यक्षेत्रमा काम जारी राखेको छ । कम्पनीले सूर्यमतिको पाण्डेगाँउ र ककनीको लामागाँउबाट एकैसाथ १७ वटा खम्बारमा उपकरणको सहायताले र प्राविधिक मार्फत काम जारी राखेको छ । </p><p><br>नुवाकोट र रसुवामा उत्पादित विद्युत केन्द्रीय प्रसारण लाइनमा जोड्न २०६८ फागुन १४ गतेदेखि निर्माण शुरु भएको २२० केभी प्रसारण लाईनमा खम्बा गाड्ने काम अन्तिम चरणमा पुगेपछि विद्युतीय तार जडानको काम थालिएको हो । </p><p><br>२२० केभीको ‘डबल’ सर्किट प्रसारण लाइनमा पर्ने १४० वटा खम्बामध्ये अधिकांशको निर्माण भइसकेको र बाँकी केहीको फाउण्डेशन तयार भइसकेकाले टावर ठड्याउन मात्र बाँकी रहेको निर्माणको समन्वयन र ब्यवस्थापनको जिम्मेवारी पाएको थ्री ‘ए’ आयोजनाका सहायक निर्देशक आचार्यले जानकारी दिनुभएको छ । <br>उहाँको अनुसार प्रशारण लाइनमा मुख्य जटिल र कठिनाई मानिने खम्बा निर्माणको काम पूरा भएकाले अब विद्युतीय प्रशारण लाइनलाई पनि जतिसक्दो तोकिएको समयभित्र पूरा गर्नको लागी तिव्र बनाइएको छ । <br>प्रशारण लाइन निर्माणमा स्थानीयबासीको अबरोध, मुआब्जा निर्धारणमा ढिलाई र सामुदायिक वनक्षेत्र उपभोग गर्न उत्पन्न कठिनाईका समस्याका समाधान भएसँगै तोकिएको मितिमा प्रशारण लाइन पूरा हुने निश्चित बनेको उहाँले बताउनुभएके छ ।&nbsp; त्रिशूली थ्री ‘ए’ जलविद्युत आयोजनाबाट उत्पादन भएको विद्युत केन्द्रीय प्रशारण लाइनमा जोड्नको लागी विद्युत प्रशारण लाइन निर्माणको काम तोकिएको समयमा पूरा गर्नुपर्ने बाध्यता भएकाले ठेकेदारलाई काम छिटो गर्न दबाब दिइरहेको र अहिलेसम्मको काम पनि सन्तोषजनक रहेको&nbsp; उहाँले बताउनुभएको छ । </p><p><br>प्रशारण लाइन निर्माणको काम अगामी पुस १५ गतेभित्र सक्नुपर्ने जिम्मेवारी ठेकेदारलाई कम्पनी सिडब्लुईलाई दिइएको र त्यो मितिमा काम सम्पन्न गर्न सक्नेगरी निर्माणको काम भइरहेको माथिल्लो त्रिशूली थ्रि ए आयोजनाका सहायक निर्देशक आचार्यले बताउनुभएको छ । &nbsp;</p><p><br>&nbsp;माथिल्लो त्रिशूली थ्री ‘ए’ आयोजनाबाट सन् २०१९ फेब्रुअरी ९ तारिख अर्थात २०७५ माघ २६ मा पहिलो युनिटबाट ३० मेगावाट विद्युत उत्पादनको योजना बनाइएकाले त्यो अवधि अगावै त्रिशूली–काठमाडौँ प्रशारण लाइन पूरा गर्नुपर्ने बाध्यकारी अबस्था रहेका छ । नुवाकोट र रसुवामा उत्पादित करीब ९०० मेगावाट विद्युत त्रिशूली–काठमाडौँ प्रशारण लाइनको एकै ‘हब’ मार्फत केन्द्रीय प्रसारण लाइनसम्म जोड्न ४५ किलोमिटर प्रसारण लाइन निर्माण कार्यलाई महत्वको रुपमा लिइएको छ ।</p><p><br>प्रशारण लाइन निर्माणमा यही आयोजना अन्तरगत नेपालमा पहिलो पटक काठमाडौको मातातिर्थदेखि केन्द्रीय प्रशारण लाइनको स्टेशनसम्म एह हजार ३०० मिटर दुरीको विद्युतीय तार विस्तारको काम भूमिगत अर्थात अन्डरग्राउण्ड बनाएर बिछ्याउन लागिएको छ ।</p><p><br>प्रसारण लाइनमार्फत नुवाकोट र रसुवाका दुई जिल्मा निर्माणाधीन रसुवागढी, साञ्जेन, तल्लो साञ्जेन, त्रिशूली–१, त्रिशूली थ्री ‘ए’, थ्री ‘बी’, मध्ये त्रिशूली गंगा, गल्छी–त्रिशूलीसहित सानाठूला गरी तीन दर्जन भन्दाबढी आयोजनाबाट उत्पादन हुने विद्युत केन्द्रीय प्रसारण लाइनमा जडान गरिने नेपाल विद्युत प्राधिकरणको योजना छ । </p><p><br>प्रशारण लाइन निर्माणको लागी रु दुई अर्ब ५० करोड लाग्ने प्रारम्भिक अनुमान गरिएको छ । <br><br><br></p>