तासको खालमा प्रहरीको छापा, भाग्ने क्रममा दुईको ज्यान गयो

<p align="justify">काठमाडौ । काठमाडौंको मूलपानीमा घरमा जुवातास खेलिरहेकाहरुलाई प्रहरीले पक्रने क्रममा २ जनाको ज्यान गएको छ । <br><br>ज्यान गुमाउनेमा ४३ वर्षका सरोज घले र ३० वर्षका सुमन लामा रहेका प्रहरीले जनाएको छ । उनीहरुको ठेगाना खुलेको छैन् । प्रहरीले पक्रन खोज्दा भाग्ने क्रममा घरको तेश्रो तल्लाबाट हामफाल्दा उनीहरुको ज्यान गएको प्रहरीको दावी छ ।<br><br>जुवातास खेलिरहेको भन्ने सूचना पाएपछि महानगरीय प्रहरी परिसरका काठमाडौंका प्रहरी नायव उपरीक्षक डीएसपी होमेन्द्र बोगटीको नेतृत्वमा खटिएको टोली जुवा खेलाइ राखिएको घरमा पुगेको थियो । <br><br>प्रहरी पुग्नेबित्तिकै जुवा खेलिरहेका २ जना तेश्रो तल्लाबाट हाम फालेका थिए । हामफालेका दुवै जनाको&nbsp; उपचारका क्रममा ज्यान गएको प्रहरीले जनाएको छ । <br><br>जुवाकाे अड्डाबाट २३ जना पक्राउ परेकाे प्रहरीले जनाएकाे छ । साथै उनीहरुबाट चार लाख रुपैयाँ पनि बरामद गरिएकाे प्रहरीले जानकारी दिएकाे छ ।<br></p>