शिरिसले पौडिको किर्तिमानमा सुधार गरे

<p>२६ जेठ, काठमाडौं ।<br>त्रिभुवनआर्मी क्लवका स्टार पौडी खेलाडी शिरिस गुरुङले काठमाडौंमा जारी ग्यालेक्सीकप खुल्ला पौडी प्रतियोगितामा आफ्नै नाममा रहेको राष्ट्रिय कीर्तिमान सुधार गरेका छन् ।</p><p>प्रतियोगीता अन्तर्गत बुधबार भएको २०० मिटर ब्याकस्ट्रोकमा शिरिसले २ मिनेट ३४.१७ सेकेण्डको नयाँ राष्ट्रिय कीर्तिमान कायम गरेका हुन् । यसअघि यस स्पर्धामा २ मिनेट ३९.०६ सेकेण्डको कीर्तिमानउनैले बनाएका थिए ।<br><br>ग्यालेक्सी कपको सात स्पर्धामा सहभागिता जनाएका शिरिसले पाँच स्वर्ण जितिसकेका छन् । उनले आजै बिहान सम्पन्न २०० मिटर इण्डिभिज्युअल मिड्लेमापनि स्वर्ण जितेका हुन् ।<br><br>यसअघि हिजो सम्पनन ३ स्पर्धामाउनले स्वर्ण जितेका थिए । उनले हिजो १०० र ५० मिटर बटरफ्लाईतथा २०० मिटर फ्रिस्टाइलमा स्वर्ण जितेका थिए ।<br></p>