अदालतको अवहेलना मुद्दामा कान्तिपुरका लगानिकर्ता र सम्पादकको बयान

<p><span style="line-height: 1.42857;">काठमाडौँ ।</span><br></p><p>सर्वोच्च अदालतको अवहेलना मुद्दामा कान्तिपुर पब्लिकेसन्सका सञ्चालक तथा सम्पादकले अदालतमा बयान दिएका छन् ।</p><p><span style="line-height: 1.42857;">आइतबारबाट सुरु भएको अदालत बिरुद्धको अवहेलना मुद्दा मुद्दामा बयान सुरु भएको छ । न्यायाधीशद्वय बमकुमार श्रेष्ठ र डम्बरबहादुर शाहीको इजलासमा आज कान्तिपुरका निर्देशक स्वस्तिका सिरोहियाको मात्र बयान लिइएको छ।</span></p><p>कान्तिपुरका अध्यक्ष तथा प्रबन्ध निर्देशक कैलाश सिरोहिया, प्रधान सम्पादक सुधीर शर्मा र संवाददाता कृष्ण ज्ञवालीसँग बयान भने भोलि सोमबार हुने सर्वोच्च अदालतले जनाएको छ।</p><p><br></p><p>आफ्नो अयोग्यतासम्बन्धी प्रश्नहरू उठेपछि प्रधानन्यायाधीश गोपालप्रसाद पराजुलीले अवहेलना मुद्दामा म्याद पाएको ७२ घण्टाभित्र अदालतमा स्वयं उपस्थित हुन कान्तिपुरलाई र आफूविरुद्धको समाचारमा रोक लगाउन प्रेस काउन्सिललाई आदेश गरेका थिए ।</p><p><br></p><p>त्यस अनुसार कान्तिपुर बयानका लागि शुक्रबार अदालत गएको थियो । तर समयअभाव भन्दै आइतबारलाई बोलाइएको थियो । आदेश जारी भएको ७ दिनपछि गत बुधबार कान्तिपुरविरुद्ध म्याद तामेल भएको थियो ।</p><p><br></p><p>प्रधानन्यायाधीशमा न्यायिक विचलन देखिएको भन्दै नागरिक अभियन्ता डा। गोविन्द केसीले २४ पुसमा उनको राजीनामाको माग राखी आमरण अनशन थालेपछि केसीविरुद्ध परेको अवहेलना मुद्दामा सुनुवाइ गर्दै अदालतले नै प्रधानन्यायाधीशको नागरिकता र प्रमाणपत्र इजलासमा झिकाउन आदेश दिएको थियो ।</p><p>त्यसपछि पराजुलीको नागरिकताका सम्बन्धमा सोधखोज गर्दा उनका ५ थरी जन्ममिति फेला परेका समाचारहरू कान्तिपुरलगायत विभिन्न पत्रपत्रिकामा प्रकाशित भएका थिए । कान्तिपुरमा प्रकाशित समाचारले अवहेलना भएको भन्दै परेको मुद्दामा पराजुलीले गम्भीर किसिमको फौजदारी अभियोगमा झैं अदालतमा हाजिर हुने ७२ घण्टे पुर्जी जारी गरेका थिए ।</p>