पारसको विराटनगरले जित्यो ईपीएलको उपाधि

<p>बिराटनगर वारियर्सले एभरेष्ट प्रिमियर लिग ई पि एल को उपाधि हात पार्न सफल भएको छ ।</p><p>कीर्तिपुर स्थित त्रीभुवन विश्वविद्यालयको मैदानमा शनिबार सम्पन्न फाईनलमा बिराटनगर वारियर्सले भैरहवा ग्ल्याडियटर्सलाई १ रनले पराजित गरेको थियो ।</p><p>टस जित्दै पहिलो ब्याटिङ्ग गरेको बिराटनगर वारियर्सले २० ओभरमा ७ विकेटको क्षेतीमा १ सय ४९ रन बनाएको थियो ।
बिराटनगरका लागि अन्सुमन रथले सर्वाधिक ४१ रनको योगदान गरेका थिए ।</p><p>१० ओभर सम्म जित्ने बलियो सम्भावना देखिएको भैरहवा ग्ल्याडियटर्सले त्यस पछि लगातार विकेट गुमाउन पुग्दा हारको सामना गर्नु प¥यो ।
२० ओभरमा ९ विकेटको क्षेतीमा भैरहवा ग्ल्याडियटर्सले १ सय ४८ रन बनायो ।</p><p>बिराटनगर वारियर्सका लागि सवार्धिक तिन विकेट लिएका कप्तान पारस खड्का फाईनल खेलको प्लेएर अफ दि म्याच घोषित भएका थिए ।</p><p>प्रथम हुँदै बिराटनगर वारियर्सले २१ लाख रुपैँया पुरस्कार प्राप्त गरेको थियो भने दोस्रो भएको भैरहवा ग्ल्याडियटर्सले ८ लाख रुपैँया पुरस्कार प्राप्त गरेको थियो ।</p><p>यस प्रतियोगिताको मोस्ट भ्यालुएबल प्लेएर भैरहवा ग्ल्याडियटर्सका रोहित कुमार पौडेल घोषित भएका थिए ।
यसैगरि प्रतियोगिताको प्लेएर अफ दि सिरिज बिराटनगर वारियर्सका बबर हायात घोषित भएका थिए ।</p><p>प्रतियोगितामा सार्वाधिक रन बनाएका बबर हायातलाई प्लेएर अफ दि सिरिजका लागि एउटा टिभियस आपाचे मोटरसाईकल पुरस्कार प्रदान गरिएको थियो ।</p>