तमु, ग्याल्पो, मन्जुश्री, सोनाम सहित अँग्रेजी नयाँ बर्ष पारेर कुर्दिस्तानमा साँस्कृतिक कार्यक्रम

<p>कुर्दिस्तान ।</p><p>प्रबासी नेपाली एकता समाज कुर्दिस्तानको आयोजनामा नेपालीहरुको तमु, ग्याल्पो, मन्जुश्री, सोनाम सहित अँग्रेजी नयाँ बर्ष पारेर बृहत साँस्कृतिक कार्यक्रम आयोजना गर्ने भएको छ ।</p><p>प्रबासी नेपाली एकता समाज कुर्दिस्तानको बैठकले आउँदै गरेको तमु ल्होछार, सोनाम ल्होछार र ग्याल्पो ल्होछार संयुत्त रुपमा यही आउदो २०७४ माघ ०५ गते शुक्रबार अर्थात जनवरीको १९ तारिख शुक्रबारको दिन कार्यक्रम गर्ने निर्णय गरेको समाजका अध्यक्ष नविन कुमार लामाले जानकारी दिनुभयो ।</p><p>कार्यक्रम यसअघि समेत गरिदै आएको होली नवरोज हलमा गरिने र कार्यक्रम बिहान १० बजेदेखी साँझ ७ बजेसम्म जारी रहेने लामाको भनाई छ ।</p><p>सांस्कृतिक कार्यक्रम केही साता अघि सुलेमानियामा मोटरसाईकल दुर्घटनामा मृत्यु हुनुभएका झापा जिल्लाका जितेन सुब्वाको नामले चिनिने जीत बहादुर लिम्बु र केही हप्ता अघि मात्र कुर्दिस्तान प्रान्तको क्षेत्र अधिकार भन्दा बाहिर अर्थात बग्दाद शहरमा घरायसी कामका सिलसिलामा घर मालिकबाट पिडादायि जीवन बिताएर असक्त्त भई नेपाल फर्किन सफल भई हाल धरानमा उपचारत भोजपुर निवासी शान्ता राई र नेपालबाट अनाथ बालबालिकाको निम्ति सहयोग अनुरोध भएकाले कार्यक्रममा सामाजिक कामको लागि उठने सहयोग रकम सम्वन्धित व्यक्ति, परिवार र संस्थालाई वितरण गरिने लक्ष्य राखिएको लामाले टपनेपालन्युजडटकमलाई जानकारी दिनुभयो ।</p><p>सामाजिक सहयोग सँगै नेपालीहरुबिच हुन लागेको भेटघाट र सांस्कृतिक कार्यक्रममा कुर्दिस्तान र वरपर रहनुभएका सबै नेपालीमा उपस्थितिको लागि अनुरोध गर्दै प्रबासी नेपाली एकता समाजले यसअघि जस्तै संस्थाको आयोजनामा हुन लागेको कार्यक्रम भव्य र सभ्य रुपमा सफल हुने अपेक्षा गरेको जानकारी दिएको छ ।</p>