सोलुखुम्बुमा आगलागीबाट ७० लाखको क्षति

<p><span style="line-height: 1.42857;">सोलुखुम्बु ।</span><br></p><p>सोलुखुम्बुको सोलुदुधकुण्ड नगरपालिका–८ बागममा एक घरमा शनिबार साँझ आगलागी हुदाँ करिब ७० लाख रुपियाँ बराबरको क्षति भएको छ ।</p><p>निमातेन्डी शेर्पाको घरमा ग्यास चुहिएर आगलागी हुदाँ आगलागी भएको जिल्ला प्रहरी कार्यालय सोलुखुम्बुका प्रहरी निरीक्षक प्रद्युम्न अधिकारीले जानकारी दिनुभयो ।</p><p>आगलागीबाट एक लाख ५० हजार रुपियाँ नगदसहित ढुङ्गा माटोले बनेको तीन तले घर, घरमा भएको सुनचाँदी, तामालगायत सम्पूर्ण धनमाल जलेर नष्ट भएको जिल्ला प्रहरी कार्यलय सोलुखुम्बुले जनाएको छ ।</p><p>घरमा कोही नभएको समयमा आगलागी भएको प्रहरीले जनाएको छ ।&nbsp;</p><p>घटना स्थलमा पुगेका प्रहरी टोली र स्थानीयले आगो नियन्त्रणको प्रयास गरेको भए पनि घर पूर्ण रुपमा जलेर नष्ट भएपछि मात्रै आगो नियन्त्रणमा आएकोे स्थानीय प्रकाश मगरले बताउनुभयो ।</p>