भोजपुरमा नेताहरु भोट माग्न गाउँ पसेपछि सदरमुकाम सुनसान

<p><span style="line-height: 1.42857;">भोजपुर ।</span><br></p><p>आगामी मंसिर १० मा हुने प्रतिनिधी सभा र प्रदेश सभाको निर्वाचनमा होमिएका भोजपुरका राजनीतिक दलहरु अहिले गाउँगाउँमा मतदाता भेटन र आमसभामा ब्यस्त बनेका छन ।&nbsp;</p><p><span class="Apple-tab-span" style="white-space:pre"> </span>उम्मेदवार सहित नेता तथा कार्यकर्ताहरु गाउँ केन्द्रित बन्दा भोजपुर सदरमुकाम भने सुनसान बनेको छ । ​भोजपुरमा ठुला मात्र होइन साना राजनीतिक दलहरु समेत अहिले प्रदेशसभा र प्रतिनिधिसभाको चुनावमा होमिएका छन् ।&nbsp;</p><p><span class="Apple-tab-span" style="white-space:pre"> </span>आउँदो मंसिर १० गते तोकिएको प्रदेशसभा र प्रतिनिधिसभाको चुनावका लागि कांग्रेस–संघीय समाजवादी फोरम नेपाल लगायतको लोकतान्त्रिक गठबन्धन, एमाले–माओवादी केन्द्रको बाम गठबन्धन, नेकपा माले, राष्ट्रिय जनता पार्टी, नयाँ शक्ति पार्टी नेपाल, मंगोल नेशनल अर्गनाइजेसन, जनसमाजवादी पार्टी नेपाल, संघीय लोकतान्त्रिक राष्ट्रिय मञ्च लगायत पार्टीकाका नेता तथा उम्मेदवार चुनाव प्रचार–प्रसारमा होमिएका हुन् ।</p><p><span class="Apple-tab-span" style="white-space:pre"> </span>भोजपुरमा साना दलहरुले उम्मेदवारी दर्ता गराएको भए पनि वाम गठबन्धन र लोकतान्त्रिक गठबन्धनका उम्मेदवारका बीचमा प्रतिस्पर्धा हुने देखिएको छ । स्थानीय तहको निर्वाचनमा नेकपा एमाले विरुद्ध जिल्लामा क्रियाशील ठुला दल सहित अन्य साना दल मिलेर घेराबन्दी गरे पनि अहिले भने लोकतान्त्रिक र बाम गठबन्धन गरी दुई ध्रुवमा भोजपुरका राजनीतिक दलहरु विभाजित देखिएका छन ।</p><p><span class="Apple-tab-span" style="white-space:pre"> </span>आगामी प्रतिनिधी सभा र प्रदेश सभाको निर्वाचनका लागि भने केन्द्रको तालमेलसँगै भोजपुरमा पनि एमाले र माओवादी केन्द्रको बाम गठबन्धन बनेको छ भने नेपाली कांग्रेस, संघीय समाजवादी फोरम लगायतका दलको लोकतान्त्रिक गठबन्धन बनेको छ ।&nbsp;</p><p><span class="Apple-tab-span" style="white-space:pre"> </span>चुनावी कार्यक्रमका लागि सदरमुकाम छाडेर सबै नेता तथा उम्मेदवार गाउँ–गाउँमा पुगेर घरदैलो अभियानमा व्यास्त बनेका छन् । चुनावी रन्को लागेका अधिकांश दलले कार्यतालिका बनाएरै ७ गाउँपालिका र दुई नगरपालिकाको ८१ वटा वडामा चुनावी गतिविधि सञ्चालन गरिरहेका छन् । प्रतिनिधिसभा सदस्यका उम्मेदवार सिंगो जिल्लाभरी दौडिरहेका छन् भने प्रदेशसभाका उम्मेदवार आफ्नै क्षेत्रभित्र सभा, छलफल, भेटघाटलगायतका चुनावी गतिविधिमा व्यस्त बनेका छन् । छुट्टा–छुट्टै टोली बनाएर चुनाव सम्वन्धी गतिविधिमा गाउँ पसेका दलले चुनावको मौन अवधी शुरु हुनु भन्दा अगाडी सम्म आफ्नो चुनावी कार्यक्रमलाई जारी राख्ने जनाएका छन ।&nbsp;</p><p><span class="Apple-tab-span" style="white-space:pre"> </span>लोकतान्त्रिक गठबन्धनबाट भने प्रतिनिधी सभाका लागि नेपाल बिद्यार्थी संघका पूर्व महामन्त्री उमेशजंग रायमाझीले उम्मेदवारी पाएका छन उनलाई संघीय समाजवादी फोरम नेपालले सघाउने छ भने प्रदेश सभाको लागि क्षेत्र नं १ मा संघीय समाजवादी फोरम नेपालका सचिव अजम्वर काङमाङ राईको उम्मेदवारी परेको छ । यो क्षेत्रमा कांग्रेसले उनलाई सघाउने छ । प्रदेश सभाका लागि भने क्षेत्र नं २ मा नेपाली कांग्रेसका तर्फबाट गोबिन्द बहादुर कार्की उम्मेदवार बनेका छन ।</p><p><span class="Apple-tab-span" style="white-space:pre"> </span>यस्तै बाम गठबन्धनको तर्फबाट माओवादी केन्द्रका सुदन किराँतीले प्रतिनिधी सभाको टिकट पाएका छन भने अर्को दल नेकपा एमालेले प्रदेश सभाका लागि जिल्लाको दुवै निर्वाचन क्षेत्रमा उम्मेदवार उठाएको छ । एमालेले प्रदेश सभाका लागि निर्वाचन क्षेत्र नं १ मा अनेरास्वबियुका पूर्व केन्द्रिय अध्यक्ष तथा केन्द्रिय सदस्य राजेन्द्र राईलाई उठाएको छ भने निर्वाचन क्षेत्र नं २ मा पूर्व सुचना तथा संचारमन्त्री तथा केन्द्रिय सदस्य शेरधन राईलाई उम्मेदवार बनाएको छ । भोजपुरमा १२ वटा राजनीतिक दलले चुनावी प्रतिस्पर्धाका लागि मनोनयन दर्ता गरि सकेका छन ।&nbsp;</p>