आइएमइ लहानबाट २० लाखको चोरी

<p><span style="line-height: 1.42857;">लहान ।</span><br></p><p>सिरहाको लहान नगरपालिका १ शहीद चोकस्थित कृष्णा मनि ट्रान्सफरमा शुक्रबार बिहान करिब २० लाख रुपैयाँ बराबरको चोरी भएको छ ।&nbsp;</p><p>इलाका प्रहरी कार्यालय लहानबाट मुस्किलले एक सय मिटरको दूरीमा रहेको उक्त मनि ट्रान्सफरमा छ लाख रुपैयाँ नगदसहित एक थान ल्यापटप, स्क्यानर र १२ लाख ५० हजार रुपैयाँ बराबरको नेपाल टेलिकम र एनसेलको रिचार्ज चोरी भएको संचालक रामअशिष महतोले जानकारी दिए ।&nbsp;</p><p>संचालक महतोका अनुसार लहानको मुख्य चोकमा रहेको उक्त मनि ट्रान्सफरको पछिल्तिरको झ्यालको रड काटेर बिहान ४ बजेतिर चोरी भएको सिसि कयामेरामा देखिएको छ ।</p><p>मनि ट्रान्सफरमा चोरी भएको समयमा सिसि क्यामेरामा चोरले मुख छोपेको देखिएको संचालक महतोले बताए । त्यसपछि चोरले सिसि कयामेराको सबै तार काटिदिएको भेटिएको छ ।&nbsp;</p><p>इलाका प्रहरी कार्यालय लहानका प्रमुख प्रहरी नायव उपरीक्षक नरेशराज सुवेदीले घटनाको विषयमा अनुसन्धान भईरहेको बताए ।</p><p>लहानको मुख्य चोक मात्र होइन, २४ घण्टा प्रहरीको ड्युटी हुने चोकमा रहेको मनि ट्रान्सफरमा बिहानीपख चोरी भएपछि सर्वसाधारण डराएका छन् । &nbsp;</p>