प्रधानमन्त्री भन्छन्-‘सानका साथ मर्छु, टाङमुनि छिर्दिनँ’

<p>प्रधानमन्त्री केपी ओलीले कसैले तत्काल ‘प्रधानमन्त्री पद छाड्’ भनेर हप्काउने वा तर्साउँदैमा आफू पदबाट नहट्ने बताएका छन्। मानवअधिकार एलाइन्सद्वारा बिहीबार आयोजित कार्यक्रममा आफ्नो तर्सिने बानी नभएको पनि बताएका हुन्। नयाँ पत्रिका दैनिकमा समाचार छ। <br>&nbsp;<br><b>नाफाको जिन्दगी देशका लागि खर्चन्छु</b><br>&nbsp;<br>देशलाई शिरमा राखेर भन्छु, मैले सधैँ भन्ने गरेको पनि छु–यो मेरो नाफाको बाँकी जिन्दगी देशका लागि खर्चिनेछु। केही गर्न सकिनँ भने पनि आँटका साथ बाँच्छु, सानका साथ मर्छु। कसैले मलाई मार्छ भने पनि टाङमुनि छिर्ने छैन, हाम्रो देशको विकास हामीले नै गर्ने हो।<br>&nbsp;<br><b>जन्मिदैँ पद लिएर आएको होइन</b><br>&nbsp;<br>दलहरूबीच धोकापूर्ण होइन, पारस्परिक विश्वासका आधारमा सम्बन्ध विकास गर्दै जानुपर्छ। दलहरू दलीय स्वार्थ होइन, राष्ट्रिय स्वार्थलाई ध्यानमा राखेर चल्नुपर्छ। म जन्मँदा प्रधानमन्त्री भएर जन्मेको होइन र मर्दा पनि प्रधानमन्त्री पद लिएर जाने होइन। देश र जनताको सेवा गर्दै यहाँ आएको हुँ, मलाई कमाउनु छैन, कसैका लागि कमाइदिनु पनि छैन, भ्रष्टाचार पनि गर्नुछैन। देश बनाउने समय पाएको छु, जति दिन प्रधानमन्त्री हुन्छु २४ सै घन्टा देश विकासमा लाग्छु।<br>&nbsp;<br><b>समस्या हल हुन्छन् भने धर्ती छाड्न पनि तयार छु</b><br>&nbsp;<br>मैले प्रधानमन्त्रीको पद छाड्दा देश र जनताको भलो हुन्छ, समस्या हल हुन्छन् भने कुर्सीमोह छैन, बरु धर्ती नै छाड्नुपरे पनि छाड्न तयार छु। काँध फेर्न मात्रै छोड्नु भनेको हो भने केपी ओलीको काँध गलिसकेको छैन, किन फेर्नुपर्‍यो ?<br></p>