विइफर अल द्धारा सुनिताको उपचारको लागि सहयोग, थप सहयोग आवश्यक

<p>१८ जेठ, टोकियो ।<br>सामाजिक संस्था विइफर अल जापानले ब्रेन ह्यामरेजका कारण अशक्त भई हाल नेपालमा उपचाररत सुनिता अधिकारी खरेलको उपचारको लागि आर्थिक सहयोग गरेको छ ।<br><br>जापानमा कामको सिलसिलामा रहनुभएकै समयमा ब्रेन ह्यामरेज हुँदा केही समय उपचार पछि थप उपचारको लागि नेपालमा रहनुभएकी सुनिताको लागि संस्थाले ५० हजार जापानी येन सहयोग गरेको संस्थाका अध्यक्ष सरोज कुमार खत्रीले जानकारी दिनुभयो ।<br><br>१ बर्ष अघि कोसेइ सुगिनामि अस्पतालमा ब्रेन ह्यामरेजको उपचार गर्नुभएकी सुनिताको हातखुट्टा बोली सबै अवरुद्ध रहेपनि हाल शहिद गंगालाल अस्पताल काठमाडौंमा उपचाररत उनको स्वास्थ्यमा क्रमिक सुधार आइरहेको खत्रीको भनाई छ ।<br><br>सुनिताका&nbsp;पती गोकुल खरेललाई गत हप्ता सहयोग गरेको विइफरअलले उनको उपचारको लागि थप रहक आवश्यक भएकाले सहयोग जुटाउने प्रयास भइरहेको जनाएको छ ।<br><br>गुल्मी आपचौर निवासी सुनीताका श्रीमान् हाल कुक भिषामा जापानमा कार्यरत हुनुहुन्छ ।<br></p>