रियल मड्रिडलाई ११ औं पटक च्याम्पियन्स लिगको उपाधि

<p><span style="line-height: 1.42857143;">एजेन्सी,जेठ १६ । &nbsp;रियल मड्रिडले च्याम्पियन्स लिग फुटबलको उपाधि जितेको छ । शनिबार राति भएको फाइनलमा छिमेकी क्लब एथ्लेटिको मड्रिडलाई पेनाल्टीमा ५–३ ले हराउँदै रियल मड्रिडले च्याम्पियन्स लिग फुटबलको उपाधि उचालेको हो ।यो सँगै रियल मड्रिडले अहिलेसम्म ११ पटक च्याम्पियन्स लिगको उपाधि जितेको छ । मिलानमा भएको फाइनलको &nbsp;निर्धारित ९० मिनेट र थपिएको ३० मिनेटको खेल &nbsp;१-१ को बराबरीमा सकिएपछि निर्णय टाइब्रेकरबाट लिइएको थियो । जसमा रियलले बाजी मार्यो । रियल मड्रिडका लागि क्रिष्टियानो रोनाल्डोले विजयी पेनाल्टी गोल गरे ।</span><br></p><p>रियल मड्रिडले पहिलो हाफमा निकै राम्रो प्रदर्शन गरेको थियो । सुरुका सात पेनाल्टीमा लगातार गोल भएको थियो । त्यसमा रियल मड्रिडले चार गोल गरेको थियो भने एथ्लेटिको तीन गोल थियो । एथ्लेटिकोका लागि चौंथो पेनाल्टी प्रहार गर्न आएका &nbsp;वानफ्रान चुके । त्यसपछि रोनाल्डोले निर्णायक पेनाल्टीमा गोल गर्दै रियलको जित सुनिश्चित गरे । स्पेनिस ला लिगामा बार्सिलोना भन्दा एक अंकले पछि पर्दै उपविजेतामा सीमित भएको रियल मड्रिडले यो सिजन युरोपको प्रतिष्ठित च्याम्पियन्स लिगको उपाधि उचाल्यो । यसअघि सन् २०१४ मा पनि रियलले एथ्लेटिको मड्रिडलाई नै हराएर उपाधि जितेको थियो । एथ्लेटिको मड्रिड भने अहिलेसम्म तीन पटक च्याम्पियन्स लिगको फाइनलमा पुगेर पनि उपाधि जित्न सकेको छैन । उपाधिसँगै रियलका प्रशिक्षक जिनेदिन जिदान खेलाडी र प्रशिक्षकका रुपमा च्याम्पियन्स लिग जित्नेहरुको सिमित सूचीमा थपिएका छन् । उनले सन् २००२ मा रियलबाटै खेल्दै च्याम्पिन्स लिग जितेका थिए ।&nbsp;</p>