संवैधानिक परिषद्ले प्रधानन्यायधिश छान्न सकेन

<p><span style="line-height: 1.42857;">काठमाडौं ।</span><br></p><p>प्रधानन्यायाधीशको नियुक्तिको सिफारिस गर्न बसेको संवैधानिक परिषद्को बैठकमा कुनै निर्णय हुन सकेन ।&nbsp;</p><p><br></p><p>प्रधानमन्त्री तथा मन्त्रिपरिषद्को कार्यालय, सिंहदरबारमा आज बसेको संवैधानिक परिषद्को बैठकमा प्रमुख प्रतिपक्षी दलका नेता केपी शर्मा ओलीले त्यस विषयमा अध्ययन गर्न समय माग गरेपछि बैठकमा कुनै निर्णय हुन सकेन ।</p><p><br></p><p>परिषद्को अर्को बैठक यही असार १५ गते बस्ने जानकारी उपसभामुख गंगाप्रसाद यादवले दिनुभयो ।&nbsp;</p><p><br></p><p>गत जेठ ३० गतेको न्यायपरिषद् बैठकले भावी प्रधानन्यायाधीश पदमा नियुक्तिका लागि छजनाको नाम सिफारिस गरेको थियो ।</p><p>परिषद्ले कामु प्रधानन्यायाधीश गोपालप्रसाद पराजुली, सर्वोच्च अदालतका न्यायाधीश दीपकराज जोशी, ओमप्रकाश मिश्र, देवेन्द्रगोपाल श्रेष्ठ, चोलेन्द्रशम्शेर जवरा र जगदीश शर्मा पौडेलको नाम सिफारिस गरी संवैधानिक परिषद्को सचिवालयमा पठाएको थियो ।</p><p><br></p><p>बैठकमा प्रधानमन्त्री शेरबहादुर देउवा, प्रमुख प्रतिपक्षी दलका नेता ओली, सभामुख ओनसरी घर्ती, उपसभामुख यादव, उपप्रधानमन्त्री एवम् कानुन न्याय तथा संसदीय मामिलामन्त्री गोपालमान श्रेष्ठ उपस्थित हुनुहुन्थ्यो ।</p>